Ɉeremi 2:30 - Yálá laawoo hɛɓɛ (dc)

³⁰ Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Yálá laawoo hɛɓɛ

³⁰ Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Bible

³⁰ Ŋa kákùla maa kɛ̀, kɛ́lɛ káfe mɛni da kula ní zu. Ŋálono kɛ́-ƃelai nyíi-ŋai ŋá dítɛ̀ɛi, ká dí pâa a káƃoa-sɔkpɔ-ŋai yɛ̂ɛ yala-sulu líi ŋwánaa.

Ɉeremi 2:30 Referans Kwoze

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Tɛsalonikə dɔlɔɔ 2:15

a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Maafîu 23:29

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa. Mąąhɔlɔɓo, ka Yálá kwəi mɛ̨nį hukulɔ nuą pɔlɔɠaai da tələnmo nuą kámą pɛli a nəlɛɛ.

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Sofoni 3:2

Hvo gɛli, hvo nwəli tɔɔ dəli woo ɓa, niɛwoo yii di gɛ mą, hvo ɉon ni, hvo gilitɔɔ li Yai-Laa ɓa, hvo gɛli hvo lɛɠɛ nwɔ Yálái ɓa.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Tɔɔɓɛlaa dɔlɔɔ 19:14

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá kpɛli pɛli ɲɛ̨́i heei Israɛlə nuą túwɔ́ pələ ɲɔ̨n ma. Hvo gaai, daa ə́ wɔ mįnɛ̨i maa kala, daa ə́ wɔ haláá kulɔiɠaa wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛa, ɲą́ą́ dɔ̨nɔ̨ gbən nɔ ɓə ŋą́ą́ lɛɛ, ya ka, diɛ di nwún napili.»

Tɔɔɓɛlaa dɔlɔɔ 19:10

Eli yɛ mą: «Yai-Laa Mɛ̨nį Kəlee ŋą Hééɓomun Yálá, ə́ wɛli kɛ pələ mą́ą́, aa tolo lɔ ɉú, vá pɛli mą ɲɛ̨́i heei Israɛlə nuą túwɔ́ pələ ɲɔ̨n mą. Hvo gaai, daa ə́ wɔɔ mįnɛ̨i mąą kala, daa ə́ wɔɔ haláá kulɔiɠaa kəlee wolo, ɛlɛɛ, daa ə́ kwəi mɛ̨nį hukulɔ nuą kəlee paa a ɓɔwa kwɛaa, ɲą́ą́ dɔ̨nɔ̨ lɔ ɓə ŋą́ą́ lɛɛ, ya ka diɛ di nwún napili.»

Azaya 59:3

Mąąhɔlɔɓo, ɲąmą kaa ka yəi ɲą, ka yeekpuoɠaa mąą luwuɔ a nɛ̨ŋɛ̨n, lɛɛ woo ɓə a kulɔ ka la, nu ɓowo woo ɓə ka laaləi a naa tee mą.

Ɉeremi 46:14

'Ká mɛ̨nįi tii laa həli Eziptə lɔi ɓa, 'ká noloɓo Migdolə, 'ká noloɓo Mɛmfisə da Dafne; kaa mą: 'Haŋąn ə́ tɔɔ, ə́ ə́ kpɔɔ pɛli, mąąhɔlɔɓo, kɔ́ kɔ́ ɓɔwa kaa kɛɛ kalai ə́ kwɛlɛ nąą kəlee.

Woolaa 4:13

Kɛlaa, mɛ̨nii gɛ yili yɛ kɛ, ya ɓaa: Yálá kwəi mɛ̨ni hukulɔ nuą haláá laa həli nuą, di kɛi tələnmo nuą ɲąmą pu daa kwəi.

Izikiɛ 22:24

«Hulɔnu lon, 'mo Ɉerusalɛmə ɓa yɛ́ mą; gaa a lɔi mąą hvo həɠə li, tulɔ hvo pu li mą a liiholi yələ.

Danîa 9:13

Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.