Ɉeremi 2:29 - Yálá laawoo hɛɓɛ (dc)

²⁹ Yai-Laa yɛ diɛ: Lə hvaa ɓə ka káá bɛlɛi mą́ą́? Ka kəlee kaa ka woo kala mą́ą́ mɛ̨nį hu.

Yálá laawoo hɛɓɛ

²⁹ Yai-Laa yɛ diɛ: Lə hvaa ɓə ka káá bɛlɛi mą́ą́? Ka kəlee kaa ka woo kala mą́ą́ mɛ̨nį hu.

Bible

²⁹ Lé mɛni ƃé ka lônoi la é pîlaŋ ḿâi? Lé mɛni ƃé kátɔɔ̂i la ḿâi?

Ɉeremi 2:29 Referans Kwoze

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Ɉeremi 3:2

Tinɛn dai ə́ ə́ ɲɛ̨i hee bələɠaa pɔ! Ə́ nąąɠaa kaa! Kɛɛnąą ta kaa mɔ̨ɔ̨ laa ɓɛi hvó túwɔ́ pələ ɲɔ̨n gulɔ li laa? Ə́ kɛi hee bələɠaa kwɛlɛ, yɛ́ nuą mąąkpɔn, yɛ bələi Arabə nuą da hee la nɔi pun ɉu. Yáá nɔi mąąliɓi a ə́ wɔ túwɔ́ pələ ɲɔ̨n, da ə́ yii pələ ɲɔ̨nwɔ̨ɔ̨.

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Ɉeremi 2:23

Ə tɔɔi ɓa mį, yɛ́ kɛ diɛ: «Və́ kɛ gɔ́hɔɓo li Baalə haliɠaa pulu?» Ə ɲɛ̨i hee tai ɲee lɔwai yɛɛ kɔ́ɔɠaa hu, bələi ə́ túwɔ́ la, yɛ́ kpinįi ə́ gaa, ə́ hvaa mą! Ə kɛ pələ kaa yɛ hoo haa yii nwun ɉu hvo pɔ̨nɔ̨ li, yɛ gilɛ həɠə pələ kəlee,