Ɉeremi 2:26 - Yálá laawoo hɛɓɛ (dc)

²⁶ Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Yálá laawoo hɛɓɛ

²⁶ Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Bible

²⁶ Yâwɛɛ è mò ǹyɛɛi, “Káai kákaa a Eezuɛ-ƃelai, kákâloŋ-ŋai, kánuu-laa-tuɛ ƃelai, kásâla láa-soŋ-ƃelai, da káɣâla ŋɔlóno-kɛ́-ƃelai, ƃaa-kula-maa a pâi pâi ká pɔ́ a ɣele da yɛ̂ɛ da ŋúma-núu sòŋ.

Ɉeremi 2:26 Referans Kwoze

Ɉeremi 32:32

Mɛ̨nį ɲɔ̨nwɔ̨ɔ̨ɠaai Israɛlə nuą da Ɉuda nuą di gɛ, mąą mɛ̨nį ɓa, di nwą́nąlɔ, diɛ-oo, di wɔ tɔɔɓɛlaai-oo, di wɔ kalanɉonŋaai-oo, di wɔ haláá laahəli nuąi-yoo, di wɔ Yálá kwəi mɛ̨nį hukulɔ nuąi-yoo; Ɉuda lɔi hu nuą kəlee, ɛlɛɛ, da Ɉerusalɛmə hee ɓo nuą.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Ɉeremi 48:27

Kɛlɛi ə́ kɛi lɔ yɛlɛ tii Israɛlə ɓa, gaa ɓə mɔ̨ɔ̨ ə́ mo nwuɔ̨ nuą lɔwai, yaai naa ɓo pələ tɛi tɛi kəlee hvo kɛli yá ə́ nwun gbɛŋɛn?

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Izikiɛ 16:54

Ə́ wɔ nwumɛ̨i kaa pai yɛɛi a ə́ nwun, mɛ̨nįɠaai kpɔ ə́ di kɛ, ə́ ɲɛ̨i yɛ paa ɉu. Yili kaa pai di kwəinɛ̨ɛ̨i.

Izikiɛ 22:26

Nwɔ haláá laahəli nuąi daa nwɔ́ tɔ́n mąąkala, daa nwɔ hɛn mąąhəɠɛɛɠaa laa pu. Di hvo hɛn mąąhəɠɛɛ da hɛn gbɛli kpɛli kulɔ ɉu kɛli; di hvo hɛn mąąhəɠɛɛ da hɛ mąąliɓiɛ kulɔ nɔwai kɛli. Di di ɲɛ̨i laa kpulu nwɔ hvįįtɔɔ yələɠaai mɛ̨i, ɛlɛɛ daa náá pu di lɔwai.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Azaya 44:11

Ɉali mąą nįnįn tii, ɲeepɔɠaa kəlee kaa pai nwumɛ̨i, yai bɛli nuą kaa lɔ a nu kanŋaa! 'Di kəlee di di ɲąą kpɔn, 'di pa ɓɛ! Di nwun mįnį-mįnį kaa pai yɛɛi a diɛ, di kəlee, diɛ nwumɛ̨.

Ɉeremi 4:9

Yai-Laa woo ka, yɛ diɛ: Ɲələi tii a həli! Tɔɔmun da nwɔ kalanɉonŋaai, liikpələ hva kɛ di yəi. Ɉaláá laa həli nuą hu a pu diɛ, Yálá kwəi mɛ̨nį hukulɔ nuą kwəi a pili diɛ.

Ɉeremi 22:22

Hvaŋą kaa pai lii a ə́ ɲąąkɔn nuą, daa li a ə́ wɔ wɛliɠaai mąąkilɛ pələi. Nwumɛ̨ aa tɛ a yɛ́, ə́ ɓɛlɛ aa kpɛɛ yɛ́, ə́ wɔ kiliŋąhiɛ ɲɔ̨nwɔ̨ɔ̨ tii kəlee mąą mɛ̨nį ɓa.