Ɉeremi 2:22 - Yálá laawoo hɛɓɛ (dc)

²² Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Yálá laawoo hɛɓɛ

²² Ə mą kɛ yáá ə́ waa a kpolon kɔ́w, yɛ haahvinɛ lɔ yɛ́ ɓɔlɔɔ-ɓɔlɔɔ, ə́ wɔ túwɔ́ pələ ɲɔ̨n a lɛɛ lɔ yɛ́ ɲɛ̨i mu. Ɲą́ą́ Hɛn Gəlee Nąmu Yai-Laa nwóó li.

Bible

²² A nɛ̀ɛ ma ká káwaa a saa-fulɛ kpanaŋɔɔ, ká sɔnyɔ̂ŋ pɔ́ɔ fa wɔ́lɔ kpɛ̀ɛ kâa ŋ́ɛi.

Ɉeremi 2:22 Referans Kwoze

Ɉeremi 17:1

Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Zôo 14:17

Yá pɛli kɛ nwɔ́ túwɔ́ pələ ɲɔ̨n nooii, ɓíi laa kpulɔɔ hu, Yá pɛli kɛ ə́ nwɔ́ túwɔ́ pələ ɲɔ̨n mɛ̨i kpulu.

Osia 13:12

Ɛfraimə hɔn naai gee mɛ̨i kpɔ kpąąn, nwɔ nɛ̨ŋɛ̨n kaa kɛɛnąą yii di hva pɛli ɉəɠəi laa.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Mąątɛ̨nɛ̨ 130:3

Yai-Laa! Yá kɛi ku wɔ nɛ̨ŋɛ̨nŋaa laa ə́ yee kpalai, Əkə! Nwɔ́ mɛ̨nį Nąmu! Gbɛɛ ɓə pai lɛɛi yɛnɛ̨ɛ̨?

Amɔsə 8:7

Yai-Laa aa gwɛla, Ɉakɔbə nwɔ kpɔɔ ɲąąkɛ̨nɛ̨ mánii tii hu, yɛ diɛ: Və́ pai lɛ̨ąi di túwɔ́ pələɠaa tii diɛ.

Mąątɛ̨nɛ̨ 90:8

Yáá ku wɔ nɛ̨ŋɛ̨nŋaai laa ə́ ɲɛ̨i mu, yáá ku wɔ loo mɛ̨nįɠaai laa ə́ ɲɛ̨ilai nwɔ kɛɛ pɔ̨nɔ̨i ɓa.

Dutɛrɔnome 32:34

Mɛ̨nį ɲą́ą́ Yai-Laa ŋą́ą́ bɛli noɔ, yii gáá pai naai diɛ, ya ka:

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Samia Veerɛi 11:12

Nąąlɔwai, Davidə yɛ Uri ɓa: «Ee, akɛ yili kaa tii, lɛɛ ɓɛ háákələi, tínąą, gáá pai ɓoi yɛ́, ə́ li.» Uri ə lɛɛ Ɉerusalɛmə daai a volói tii, da mąą yələ laa ɓoɔ.

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.