Ɉeremi 2:21 - Yálá laawoo hɛɓɛ (dc)

²¹ Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Yálá laawoo hɛɓɛ

²¹ Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Bible

²¹ Ŋá ká sì yɛ̂ɛ sí-sɛŋ lɛ́lɛɛ nyíi ŋá gao kula sí-sɛŋ lɛ́lɛɛ sui. Gɛ̀ pere kɛ̂ɛi léŋ ka pene ka kɛ́ a sí-sɛŋ nyɔ́mɔɔ nyíi kɛ̂i fé mai?

Ɉeremi 2:21 Referans Kwoze

Azaya 5:4

Lə kpɔ ɓə ŋą́ pɛli gɛi mą, ə tɛɛ yili ɓa? Ŋą́ kɛi viɲə ɓá lɛlɛɛɠaa mąąkpɔn, Lə ɓə kɛ yai ə ɓá a ɲɔ̨nwɔ̨ɔ̨?

Lɛɛ gbɔwɔ ɓa 15:17

Ə́ kaa pai lii a diɛ, Ə́ di hee, yee nwuɔ̨, Ə́ wɔ lɔi hu; Yai-Laa nąą ɓə Ə́i hee kulɔ laa, Yai-Laa, nąą ɓə ə́ ə́ hee pɛlɛ́ kɔ́wɔ hvilɛn naa.

Ɉaan 15:1

Jesus yɛ diɛ: «Ɲą́ą́ ɓə gáá a ɉihɛn nwulu kpinį, Ną́n yɛ ɓo a ɉihɛn nąmu.

Mąątɛ̨nɛ̨ 44:2

Yálá, mɛ̨nį ɲɛ̨i kɛnɛ̨ɠaai wɔlɔ ə́ gɛ, a ku nąnni di wɔɔ yələi, daa ɉu kulɔ kuɔ, ə too ku wəlii, a gbakolo koloi tii wɔlɔ ə́ gɛi.

Mąątɛ̨nɛ̨ 80:8

Yálá, Mɛ̨nį Kəlee ŋą Hééɓomun; pənə ə́ ku hee ku kpanɲą, ə́ ə́ ɲɛ̨i lɛlɛɛ hee kuɔ, ku kaa pai ɓaloi.

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Lukə 20:9

Yili pulu, Jesus ə hanwon ɉɔɔ nu kpului tii ɓa yɛ diɛ: «Nu ta ə viɲə yɛa laa. Ə ɉəɠə ə dɛɛ nuą pɔ, diɛ goló kɛ. Yili pulu ə li hiɛ ɓa ə lamun laa.

Markə 12:1

Yili pulu, Jesus ə hanwon ɉɔɔ diɛ yɛ diɛ: «Hulɔnu ta ə kɛ laa, ə ɉihɛn ŋɛ̨i da kɛ mą viɲə; ə ɲɛa laa; ə mąą tinɛ̨n a hį́i, ə viɲə ya kulɔi pɛli, ə pɛlɛ́ tɔɔ ɉíí ŋą. Ə tínuą həɠə, ə di tɛɛ ɲəi viɲə yɛa, yili pulu ə li hiɛ ɓa.

Dutɛrɔnome 32:32

Diɛi tii, di hvo hviɛlaɓo li Sodomə da Gomorə nuą diɛ, Bələi lɔ di wɔ viɲəɠaa da ɓá la a nwąnąą, nɔɔ yɛ ɓo a pili mąą, bələ ɓə di nąmįną kaa la.

Maafîu 21:33

Jesus ə mo diɛ yɛ diɛ: «Gáá hanwon da kpɛli hɔɔi kaa. Hulɔnu ta ə kɛ laa ə hihɛn ŋɛ̨i da kɛ mą viɲə, ə ɲɛa laa, ə mąąkwəli a hį́i ə viɲə ya kulɔi pɛli, ə pɛlɛ́ tɔɔ Ɉį́i ɲɛ. Ə viɲə yɛa həɠə ə dɛɛ nuą pɔ, ə gə di kólo kɛ ɉu, diɛ gulɔ.

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Azaya 60:21

Ə́ wɔ lɔi hu nuą kəlee da kɛ kɛa a tələnmo nuą, nɔi yɛ lɛɛ di yəi a yələ kəlee mɛ̨nį, di ɓo a nwɔ́ tii hu wulu ɓɔn, a golói ɲą́ą́ gbinįlee ŋį́ gɛ, yɛ nwɔ́ mąąwiɛ kulɔ pɔ̨nɔ̨ ną.

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Azaya 1:21

Ə kɛ pələ kɛ ləi yai, daai ŋɛ̨i kɛ nwoo pulu, mąą aa pənə a wɛlikɛ taa? Mąąwiɛ ə kɛ laa, mɛ̨nį haŋąą yɛ ɓo laa daai, tələnmolaa mąąkilɛ taa, Kɛlaa, yiihu kɛa, nu paa nuą daa lɛɛ a daa nąmįną.

Mąątɛ̨nɛ̨ 105:6

Kaai a nwɔ tímun Abrahamə kwəi, da niiɓamun Ɉakɔbə lonnii!

Zasua 24:31

Ɉosue yíi hvóló kəlee hu, da galanɉonŋąą ŋɛ̨i lɛɛ Ɉosue pulu, Israɛlə ə lɛɛ Yai-Laa woo mu, mɛ̨nįɠaa kpɔ Yai-Laa ə gɛ Israɛlə mąą mɛ̨nį hu, di kɛ a gəlee kɔ́lɔn ŋąą.

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Azaya 27:2

Nąąlɔwai tii, ka wələ too díi lɛlɛɛi ɓa!

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Mąątɛ̨nɛ̨ 80:9

Nwulu ɓɔn ə́ gulɔ Eziptə lɔi hu, yɛ́ hį́i takpɛliɠaa kpɛ di heei, yɛ́ ɉin naai;

Ɉeremi 5:10

'Ka tɛ daa mąąkpɛ hįį mɛ̨i, 'ka bu. Kɛlaa ka hvo gəlee pu kpɔ tii tɛ̨ɛ̨tɛ̨ɛ̨?. Ka wɔ viɲəɠaai nwonwoɠaa kulɔ mą. Mąąhɔlɔɓo, hvo a Yai-Laa nwɔɔ.

Ɉeremi 11:16

«Olivə wului ɲąąnɛ̨ɛ̨i, yɛ ɓa a yələ kəlee, nɛlɛɛ ma lɛlɛɛ», bələ ɓə Yai-Laa ə ka laa hee la. Aa nwɔ̨n doo naa hu, dín gɛnɛ̨, yɛ nwonwoɠaa kələn.

Izikiɛ 15:2

«Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?