Ɉeremi 2:18 - Yálá laawoo hɛɓɛ (dc)

¹⁸ Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Yálá laawoo hɛɓɛ

¹⁸ Yii hu, akɛ tii, lə kpɔ ɓə ə́ ɲɛ̨i kwɛlii yɛ hvilɛn Eziptə pələɠaa mɛ̨i, yɛ́ li ə́ kpələi Nilə ɲa lee tii hu? Lə ɓə ə́ ɲɛ̨i kwɛlii, yɛ́ hvilɛn Asiri pələɠaa mɛ̨i, yɛ li ə́ kpələi Eufratə ya lee hu?

Bible

¹⁸ Lé ƃé ízɔlɔ ƃô a tãi ítìnaŋ la Ize pɔ́ perei, a gɛɛ nɔ́ í íkpele a Ǹâai Ya-leei da? À kɛ̀ ka lì Asiria, lé ƃé ka pâi zɔlɔ ƃôi? A gɛ́ɛ káka kpéle a Yufeletii Ya-leei da?

Ɉeremi 2:18 Referans Kwoze

Zasua 13:3

Ə həɠə Sihɔrə yá ɓa Eziptə lɔi tənən ma, ə həli la Ɛkrɔn lɔi ɓa ɲánwuɔ̨ pələ; yili kpɛli mąn, Kanaan lɔi ta li. Filisti tɔɔɓɛlaa lɔɔlii laa ka: Gaza nwɛi, Asdɔdə nwɛi, Askelɔn nwɛi, Gatə nwɛi, da Ɛkrɔn nwɛi; yili pulu, Avi nuą kaa laa ɉɛɠɛɛ pələ;

Osia 7:11

Ɛfraimə kaa a tonwələn mowo laa nɛ̨ɛ̨, hva giliŋą hiɛ, di kaa Eziptə təlii, diɛ li a gilɛ Asiri pɔ pələ.

Ɉeremi 2:36

A tɛ̨ą yáá ə́ wɔ nu kpoloon naa lɛ, a ə́ kpaalə mąąhvalin ə́ mo. Eziptə lɔi, da Asiri lɔi da nwumɛ̨ yɛ́.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Izikiɛ 17:15

Kɛlaa dɔɔ kwəlii mun ti ə kulɔ dɔɔ mun ti ɉon nwoo mu; ə nuą tɔɔ Eziptə lɔi hu, yɛ kɛ yili ə hooɠaa tɛɛ bɔ, da kɔ́kulááɠaa. Ɲee kaa mɔ̨ɔ̨ pai pɛli mą? Nui a duwɔ taalee ti ɓo ɲee pɔɔ a pɛli lɛlɛi mɔ̨ɔ̨? Ə mįnɛ̨-həɠə woo hu kala, nwun a pɛli mɔ̨ɔ̨ kulɔi yili hu?

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Azaya 7:20

Mąą yələ, Ną́mu kaa pai Asiri tɔɔmun ɉu hvɛli ɲa pulu pələ da nwɔɔ kpəŋąi, ə nuą nwun bu, ə di kpɛlɛ pu, ə mą kɛ, di ləɠa.

Azaya 23:3

Ɲá kpɛa kpɛaɠaa, Nilə kwɛlɛ tíiɠaai, ɲá kɛnɛ̨i kwɛlɛ mɔ̨nunŋaa, diɛ ɓə kɛ a ɉɔlɔɓo hɛnŋąą; Lɔiɠaa di wɔ lɔ́wɔ́-taa kɛnɛ̨ li kɛ.

Izikiɛ 16:28

Yili hvo ə́ pilɛ, ə́ too nwɔ̨nɔ̨ Asiri nuą pɔ ka diɛ ni ka túwɔ pələ ɲɔ̨n gulɔ; pələi mąn ə kɛ la tii, yili hvo ə́ pilɛ.

Kɔlɔnikɔ Veerɛi 28:16

Mąą kwɛlan tii hu, tɔɔmun Akazə ə nuą tɔɔ, diɛ li kpɔnmąą hu hvɛlii Asiri tɔɔɓɛlaa diɛ.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Woolaa 5:6

Kwáá ku yee haŋą Eziptə lɔi pɔ pələ, da Asiri lɔi, əgɛ, ku kɔ̨nɔ̨n ɉɔlɔɓo, ku mįi ku pilɛ la.

Izikiɛ 23:30

Ə wɔ wɛli mɛ̨nįi da ə́ tuwɔ pələ ɲɔ̨n mə pai mɛ̨nįɠaai ti laai yɛ́, mąąhɔlɔɓo ə́ tuwɔ pələ ɲɔ̨n gulɔ a hvilɛn ə́ mo lɔiɠaa pulu yɛ́ ə́ mąą liɓi a di wɔ haliɠaai.