Ɉeremi 19:15 - Yálá laawoo hɛɓɛ (dc)

¹⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Yálá laawoo hɛɓɛ

¹⁵ Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Bible

¹⁵ “Ŋ̀wála-wâla kélee Yâwɛɛ nyíi gáa a Eezuɛ Ŋɔɣâlai ǹyɛɛ, ŋa pâi pâi a m̀ɛni ŋáa téɛɛi nyíi kélee ŋá gbɛ̀tɛ é pîlaŋ daa-lêei ŋí ma da zu-ƃela kélee. Kpɛ́ni fêi, díwôlii kpɔ̂lɔɔi. Dífa ŋ̀wɛli dí díwoli tɔ́ɔ ḿâ.”

Ɉeremi 19:15 Referans Kwoze

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Ɉeremi 17:23

Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Nehemi 9:29

Ə́ di liɛwoo kɛ, yɛ́ di pənə di pa ə́ wɔ tɔ́n ma. Kɛlaa, di di kpɔɔ kɛ a huɲąŋą kɛnɛ̨ nuą, di hvo di wəli tɔɔ ə́ wɔ tɔ́n ma. Di nɛ̨ŋɛ̨n ɉəɠə ə́ wɔ liɛwooi ɓa, liɛwoo yii a yɛnɛ̨ɛ̨ kpɛɛ hvo mą tɛɛ ɉon nuą pɔ. Di di kwɛli tee, diɛ ɓowon dɛ diɛ, di di kpowo pulu walawala, di hvo gɛ di ɉon.

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Ɉeremi 6:19

Lɔi mɛ̨i hee ɓo nuą! Ka ka wəli tɔɔ! Gáá pai mɛ̨nį nwąnąą laai nuą ŋɛ̨i diɛ: Yii gaa di wɔ lii ɲɔ̨n gwəi laa tii vɛla. Kpaaləi ŋį́ nɛ diɛ, daa tɛɠɛ ɓo ɉu, daa di ɲɛ̨i laɠin nwɔ́ liɛwoo mɛ̨i.

Ɉeremi 11:17

Yai-Laa Mɛ̨nį Kəlee ŋą Hééɓomun, yaai ka hin, ya ɓə mo, mɛ̨nį nwąnąą ŋɛ̨i yɛ laa kaa; nɛ̨ŋɛ̨nŋaai Israɛlə nwɔ pɛlɛ́i da Ɉuda nwɔ pɛlɛ́i di ɉəɠə mąą mɛ̨nį ɓa; a yaai di niikələn na gwəi, diɛ halááɠaa kulɔ Baalə ɓa.

Ɉeremi 19:3

Ə́ kaa pai kɛi diɛ: Ka ka wəli tɔɔ Yai-Laa woo ɓa, Ɉuda tɔɔɓɛlaa, da Ɉerusalɛmə hee ɓo nuą; Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ, gáá pai mɛ̨nį ɲąąnwąnąą laai gɛɛnąą ŋɛ̨i ɓa! Nui lɔpee pai bələ mɛ̨n ɉii, hvo kɛ li nwəli a hvaa nwun ma wee.

Ɉeremi 22:21

Ŋą́ pələ ɓo yɛ́, ɓɛlɔwai mɛ̨nį ta hvo kɛ la ə́ wəli pulu, ə́ bulu pənə mą́ą́, yɛ́ mą́ą́: «Və́ nwə́li tɔɔi mɛ̨nį ta ɓa.» Ə həɠə ə́ muhəɠə yələ ɓa, yili lɔ ɓə ə́ kaa ɉu. Hvə́ ta gɛ li, hvó ə́ wəli tɔɔ nwóó ɓa.

Ɉeremi 36:31

Gáá pai nwą́ną kulɔi mą, da ɉuwu; da nwɔ tínuą, di wɔ nɛ̨ŋɛ̨nŋąąi mąą mɛ̨nį ɓa. Mɔ̨nɔ̨ kpɛa-kpɛai ŋį́ vaa ɓo diɛ, ɛlɛɛ, di hvo gɛ li di hvo nwóó mɛ̨n, ŋą́ gəlee laa Ɉerusalɛmə nuą da Ɉuda lɔi hu nuą diɛ.›»

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 13:11

Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 25:7

Yai-Laa yɛ diɛ: ‹Ká hvo ka wəli tɔɔ li nwóó ɓa, kɛlaa kaa mun, ka nííkələn gwə́i a ka túwɔ́ pələ, yili yɛ mɔ̨nɔ̨ laa kaa.›

Ɉeremi 25:8

«Yii gaa tii, Mɛ̨nį Kəlee ŋą Hééɓomun Yai-Laa woo ka, yɛ diɛ: Yii kpɔ ka hvo nwóó mɛ̨n ni,

Woolaa 2:2

Yai-Laa aa Ɉakɔbə heei kəlee wolo hvo kpɛli mąąwɛli kaa li nwɔ liiholi hu, aa Ɉuda halakpɛla mąąkpɛ hįi wolo aa dɔɔlaa da dɔɔɓɛlaa ɓɛlɛkpɛɛ diɛ, aa di too nɔi ɓa.