Bib sou entènèt

Ɉeremi 18:20 - Yálá laawoo hɛɓɛ (dc)

²⁰ Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Gade chapit la Kopi

Yálá laawoo hɛɓɛ

²⁰ Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Gade chapit la Kopi

Bible

²⁰ Mɛni lɛ́lɛɛ fela-fei káa a mɛni nyɔ́mɔɔ? Kɛ́lɛ, da lóa tée ḿberêi a gɛɛ ŋá tóo zu. Gáa, ŋa pâ íŋɛi túɛ ŋá dímaa lôno kɛ́ a gɛɛ ífe díkula-maa kɛ̂ a lii ŋwâna-pere.

Gade chapit la Kopi

tounen moute ⬆

Ɉeremi 18:20
31 Referans Kwoze

Mąątɛ̨nɛ̨ 57:6

Yálá! 'Hąŋa 'ə́ tɔɔ yələ kɔ́lɔn mɛ̨i! Ə́ wɔ mąąwiɛ ə hee lɔi kəlee mɛ̨i.

Mąątɛ̨nɛ̨ 35:7

Di lɔwa tee dɔ́wɔ́, di mɛ̨i kpulu, yaan, ɉɔ́n və ɉu, dee nwun və kɛ mą, di dee kpɔlɔ náá ɓa.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 35:12

Ŋą́ mɛ̨inɛ̨ɛ̨ kɛ diɛ, diɛ gwələ kulɔ a mɛ̨nį ɲɔ̨n, ɲą́ą́ dɔ̨nɔ̨ ka kɛa, ŋą́ą́ lɛɛ.

Ɉeremi 18:22

Wɔlɔ woo ə tɔɔ di wɔ pɛlɛ́ɠaai mu. Ɓɛlɔwai ə́ kaa pai toomɛ̨i kɛ nuą ɲąątɔɔ la diɛ di tɛɠi mąąhɔlɔɓo, daa mą́ą́ tinɛ̨n a hɛlɛn, ɉón mɛ̨nį ɓa. Daa hɛlɛn dɛ gɔ́wɔ́ mu.

Ikilisiati 10:8

Lɔwai nu a dee, ya ɓə a too ɉu. Nu a gala wolo tee mą, kaalə a tɛɛ laa ə ɲįn.

Hanwon 26:27

Nui a lɔwa tee a too ɉu. Nui a kwɛni kpuwulu kiliɠilin, a pənə ə pa mɛ̨i.

Mąątɛ̨nɛ̨ 119:95

Nuąi di hvo Yálá pɔ, di kɛi nwún na pili pələ kwɛli, nwɛ́i, níí laai lɔ ə́ wɔ tɔn nwooɠaai mɛ̨i.

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Ɉeremi 14:20

Yai-Laa! Ku kili kaa ku hɔn ɉu, da ku nąnni di wɔ túwɔ́ pələ ɲɔ̨n. A tɛ̨ą kwaa ku hɔn gɛ a yɛ́;

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Hanwon 17:13

Nui a mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨, mɛ̨nį ɲąąnwąnąą hva tee ɲəi bɛlɛ́n.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Mąątɛ̨nɛ̨ 7:15

'Hvó gaai, gaa mɛ̨nį ɲɔ̨n mąą kili teei gwəi, yɛ ɲɛ̨nį mąą koo həɠə, a naayɛɛ, a yee lɛɛ ɉu.

Zôo 6:27

Ka lɛɛ kpɔ kɛa ɉu, kaa təlilon gɔ́ a kpɛɛ, kaa ka nɛ̨ɛ̨yɔwɔ lɔwɔ́tɔɔ.

Samuɛlə dɔlɔɔ 19:4

Ɉonatan ə Davidə mąąkɔ̨nwɔ̨ pələ kwɛli nąn ɲəi, yɛ mą: «Tɔɔmun və ɓaɠaɓo nwɔ tí mun Davidə ɓa, gbala ə tɔɔ, hvo nɛ̨ŋɛ̨n ɉəɠə li yɛ́, ə lɛɛ, nwɔ kulaa laa kaa a kóló lɛlɛɛi nu a gɛ, ə́ ma mɛ̨nį ɓa.

Ɉeremi 5:26

Gaa tii, mɛ̨nį ɲɔ̨n gɛ nuą kaa nwɔ nuą lɔwai, daa hee nuą tɔwɔ di loɔ yɛ nwɛ̨nį kpɛmun. Diɛ hɛlɛn dɛ, diɛ nu hon na.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 18:19

Yai-Laa, ə́ wəli tɔɔ di woo ɓa, Nuąi ɓaɠa ɓoi mą́ą́, di woo mɛ̨n.

Ɉeremi 27:18

Akɛ mɛ̨nį ɓoɔ gɛɛ tɔwɔ kɛ nuą ɓaa diɛ, akɛ Yai-Laa woo kaa di yəi, mąąnɛ̨ɛ̨ kani di Yai-Laa Mɛ̨nį Kəlee ŋą Hééɓomun mąąnɛ̨ɛ̨, ɉɛn ɲąŋąɠaai ŋɛ̨i Yálá hee pɛlɛ́ mu da tɔɔmun ɲəi bɛlɛ́n, da Ɉerusalɛmə, di hvo li a da Babilonə.

Woolaa 3:59

Yai-Laa! Mɛ̨ni daa naa mą́ą́, yɛ́ kpįnįi gbaɠala kaa yɛ́! Mą́ą́ mɛ̨ni hutɔɔ kani a ɉaŋąą kɛa wɛ!

Ɉeremi 17:18

Nuąi di hvilɛn ŋąą bulú, di ɲɛ̨i ə paa a nwumɛ̨, hvo kɛ tii a ɲą́ą́, hee di hu, kɛlaa hvo kɛ tii a ɲą́ą́, kpalo ɓɛla diɛ, di hu yali gee hu pow lee pow.

Swiv nou:

Lyen patwone

Piblisite

Piblisite