Ɉeremi 18:13 - Yálá laawoo hɛɓɛ (dc)

¹³ Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Yálá laawoo hɛɓɛ

¹³ Yili ɓə gaa mą, Yai-Laa woo ka, yɛ diɛ: Yii gaa tii, kɛɛ mąąni kɛ lɔiɠaa hu, kaa ta mɛ̨nį taaləi tii ta bələ mɛ̨n? Israɛlə nɛ̨ɛ̨gbɛla aa kɛɛ kala túwɔ́ ɓo.

Bible

¹³ Yâwɛɛ è mò ǹyɛɛi, “Ǹɔii-ŋuŋ-ŋai kélee marê kɛ́. M̀ɛnii sîi ŋí da a tá kɛ́ a bɔlɔ? Eezuɛ-ƃelai da mɛni nyɔ́mɔɔ kɛ́tɛ kɛ́!

Ɉeremi 18:13 Referans Kwoze

Ɉeremi 5:30

Kwəi pili mąą mɛ̨nį, da kɛɛ kala mɛ̨nįɠaa kaa kɛi nɔi; a ɓɛlɛ too mɛ̨nį.

Osia 6:10

Ŋą́ą́ mɛ̨nį ɲɔ̨nwɔ̨ɔ̨ kpɛa-kpɛa kaa Israɛlə nwɔ pɛlɛ́i mu, nąą ɓə Ɛfraimə a nwɔ wɛli mɛ̨nįi kɛ laa, Israɛlə mąą yɛ liɓi la.

Ɉeremi 23:14

Kɛlaa, kɛɛ kala mɛ̨nįi gáá gaai Ɉerusalɛmə, Yálá kwəi mɛ̨nį hukulɔ nuą yee pɔ, ya ɓaa, wɛli mɛ̨nį, da lɛɛ mɛ̨nį; diɛ mɛ̨nį ɲɔ̨n gɛ nuą hvaŋąlɔ, mɛ̨nį kɛ pələi tii, nu ta hva pɛli ɲee kulɔi túwɔ́ pələ ɲɔ̨n ɉu. Di kəlee daa kɛ ɲɛ̨́i ɓa yɛ Sodomə nuą, Ɉerusalɛmə nuą kaa yɛ Gomorə nuą.»

Azaya 66:8

Gbɛɛ ɓə a ta mɛ̨nį taaleei tii bələ mąn? Gbɛɛ ɓə a ta mɛ̨nį taaleei tii ta kaa? Da pɛli lɔi kəlee kaai a lon, a hvóló tɔ̨nɔ̨ yeemu mɛ̨nį? Daa ta lɔi tɔ̨nɔ̨ hu nuą mąą hɔlɔɓo lɔ a lon, a gee? Ya ɓə Siɔn a lɛɛ kpɔlɔ kwəi nwąną kpálá tɔɔi, aa mąn nonnii kaa?

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Korɛntə dɔlɔɔ 5:1

Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Woolaa 1:15

Yai-Laa aa nwɔ́ kulááɠaa kəlee kulɔ ɲə́i; aa kɔlaɠa ɲąątɔɔ mą́ą́, aa nwɔ́ hilɛlɛa kəlee huwu pu, ɲą́ą́ ŋɛ̨i a Ɉuda nɛ̨ɛ̨gbɛla lɛlɛɛ. Yai-Laa aa nɛ́ɛ́ gɔwɔ lúwɔ́ yái.

Azaya 36:22

Dɔɔ-pɛlɛ́ ɲąąwooɓomun Ɛliakimə yai kɛ a Hilkiyahu lon, da ɉɛɓɛ́ kɛmun Sɛvna, da Asafə lon Yoa, yai kɛ a noloɓomun, di pənə di pa tɔɔmun Ezekiasə pɔ di mąą həɠəɠaa huɓɛlaa, di gɔ́kuláái tii wooɠaa kəlee hu kulɔ mą.

Samuɛlə dɔlɔɔ 4:7

Filisti nuą di ɲɔw diɛ kɛ: «Yálá ta aa pa di lɔwai!» Di woo laa diɛ: «Kwaa lɛɛ ɉu! Mąąhɔlɔɓo, di kɛ pələ hvo kɛli ŋɛ̨i hiɛ!

Ɉeremi 18:14

Ɲái a kulɔ Liban yee hu, yɛ tɛɛ kwɛniɠaa mɛ̨i lɔwɔi, da mɔ̨ɔ̨ nɛɛ laa? Yai a həɠə kwɛa la, a tɛɛyá naɠiɛ lon lon, da mɔ̨ɔ̨ bili? Kpaa-o!

Amɔsə 5:1

Israɛlə nɔi nuą, mɛ̨nį gɛ́ ŋį́ mo, 'ka ka wəli tɔɔ mą. Ya ɓaa: woolaa yii gáá gɛi ka mąą mɛ̨nį ɓa.

Amɔsə 5:2

Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.