Ɉeremi 17:23 - Yálá laawoo hɛɓɛ (dc)

²³ Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Yálá laawoo hɛɓɛ

²³ Ka nanii tii, di hvo di wəli tɔɔ, di di kili walawala, di di wəlii kpɔlɔ, mɛ̨nįi ŋį́ kɛi nɛ diɛ, diɛ di wəli kulɔ ɉu.

Bible

²³ Dínâŋ pɔlɔ-ŋai dífe wɔ́lɔ díwoli tɔ̀ɔ ní ḿâ, kpaa máŋ dí díyee sée ŋ́oo mu, kɛ́lɛ, dí kɛ̀ a díwôlii kpɔ́lɔɔ. Dífe díyee see-ni ŋ́oo mu, kpaa máŋ dí ńdûa-pere maa kɔ́ri.

Ɉeremi 17:23 Referans Kwoze

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 11:10

Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.

Izikiɛ 20:21

Kɛlaa, di lonnii di kulɔ nwóó mu, di hvo nwɔ́ tiɓoɠaai hon, di hvo nwɔ́ tɔ́n nwooɠaai pɔ mɛ̨nį kɛ; di hvo lɛɛ di pulu, ya pa di halai ɓə nuą da yɛnɛ̨ɛ̨ kpɛɛ hvo mą hɔlɔɓo la, a di pɔ mɛ̨nį kɛi da mo. Di kɛi nwɔ́ hvįįtɔɔ yələɠaa həɠə mą, Gɛ́ nwɔ̨nɔ̨ diɛ, gáá pai nwɔ́ liiholi yɛɛi di mɛ̨i nɔi pun ɉu, və́ pai nwɔ́ liiholii kpɛlai bələi.

Ɉeremi 32:33

Daa di pulu tɔɔ mą́ą́, di hva di ɲɛ̨i hee mą́ą́, bələi mąn váŋą lɔɔ la di mąą kwɛlii, di hva di wəli tɔɔ nwóó ɓa. Di hva di yee hee di mąą kwɛli woo mu.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Izikiɛ 20:16

Mąąhɔlɔɓo, di nwɔ́ tɔ́n nwooɠaai ɓɛlɛ kpɛɛ mą, di hvo nwɔ́ tiɓoɠaai kɛ li, diɛ nwɔ́ hvįįtɔɔ yələɠaai həɠə mą. Mąąhɔlɔɓo, di hvilɛn ŋaai kɛ di wɔ haliɠaai pulu.

Izikiɛ 20:13

Kɛlaa, Israɛlə nwɔ pɛlɛ́i mu nuą di kulɔ nwóó mu nɔi pun ɉu. Di hvo nwɔ́ tiɓoɠaai pɔ hiɛ ɓo, nwɔ́ tɔ́nŋaai tii da yɛnɛ̨ɛ̨ kpɛɛ hvo mą tɛɛ di pɔ mɛ̨nį kɛ nuą pɔi, di di yee kulɔ di mu. Di kɛ lɔ nwɔ́ hvįįtɔɔ yələɠaai yali mɛ̨nį hu, gɛ kɛa kɛ diɛ, gáá nwɔ́ liiholii yɛɛi di mɛ̨i nɔi pun ɉu, gɛ́ di paa.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 7:28

Mo kani diɛ, yɛ́ diɛ: Kaa kɛ a nu huwu yii hva nwəli tɔɔ Yai-Laa di wɔ Yálái woo ɓa, ə lɛɛ, mɛ̨nįi a ka kalan na, ka hva ɉon; kulɔ nwoo ɓa laa nwun na aa pili, aa kpɛɛ di lɔwai.

Ɉeremi 6:8

«Ɉerusalɛmə, ə́ yee hee niɛwoo mu. A wala kɛ tii, gwa yɛ́ hvəi kɛa gu tɔɔ! Ŋą́ ə́ mąą pənə a mąąwɛli lɔi, a lɔi kpoloo.»

Hanwon 8:10

Mɛ̨nįi gáá ka kalan ɉii la, ka yili wɛlilakɛ, ka dɛɛ wali ɓa. Ka mɛ̨nį kɔ́lɔn ŋąą wɛlilakɛ, ka dɛɛ hɛni leelee ɓa.»

Hanwon 5:12

Ɛlɛɛ, yɛ́ kɛ diɛ: «Lə mɛ̨nį ɓa hutɔɔ mɛ̨nį wɛli hvo kɛ li mą́ą́? Lə mɛ̨nį ɓa və́ wə́li tɔɔ ɉútɔɔ woo ɓa?

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Hanwon 1:3

A nu kilaa pɔ̨nɔ̨, ə nu kɛ a tələnmomun, da tɛ̨ą kɔ́lɔn mun.

Mąątɛ̨nɛ̨ 50:17

A yɛ́i hutɔɔ wɛli kpɛɛ yɛ́, yɛ́ lənə nwóó ɓai?

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.