Ɉeremi 17:2 - Yálá laawoo hɛɓɛ (dc)

² Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Yálá laawoo hɛɓɛ

² Ə gɛ, di wɔ haláá kulɔiɠaa da nwulukpiɛnɠaai di vilɛn ɲeeɠaa nwuɔ̨ diɛ gɔ́ nwuluɠaa mu, gili hvo pa kpɛɛ di lonnii ŋą.

Bible

² Kánûai díkaa Ŋ̀âla-nɛnii Asira fɛlîi ǹyée-ŋai tôŋ su, ŋ̀uru kpaya-kpayai mu ƃɛ́i ŋɔɣâla teƃele-ŋai káa naa da ŋɔŋɛi kɛ́-maa-ŋai.

Ɉeremi 17:2 Referans Kwoze

Kɔlɔnikɔ Veerɛi 24:18

Di di kili kulɔ Yai-Laa di nąnni di wɔɔ Yálái ŋą pɛlɛ́i hu, diɛ kwɛli hvilɛn wulu kpiyɛnŋąą diɛ da haliɠaa. Di túwɔ́ pələi tii mąą mɛ̨nį ɓa, Yálá nwɔ liiɲąnwąnąi ə ɓɛla Ɉuda nuą mɛ̨i da Ɉerusalɛmə nuą.

Ɉeremi 2:20

Ɉu aa kwɛa, Israɛlə! Yáá ə́ nwun gulɔ nwɔ́ nwun nąmu laa mu, yáá ə́ yɛli tee, yɛ́ kɛ diɛ: «Və́ kɛa bɔ, və́ kɛ a luwɔ!» Yáá li, yáá laa yee kpukpuɠaa nwuɔ̨ da wulu laa hu wiaɠaa mu, yɛ wɛli kɛ Nɛ̨ɛ̨nu.

Azaya 17:8

Hva kɛa ɲɛ̨i hee ɉali kɔ́iɠaa diɛ, ɓɛi ə bɛli a ɲee; ɉɛnŋąąi ɲee kpiɛ ə di kɛ, hva ɲɛ̨i hee di pɔ pələ, ɉali mąą nįnįnŋąą da voló mąąwiɛ hɛnŋąą.

Azaya 1:29

a tɛ̨ą, nwulu kpɛa-kpɛa ŋɛ̨i ka kɛli gɔ́, ka kilitɔɔ diɛ, ka nwumɛ̨ di mąą mɛ̨nį ɓa. Vaa lɔwɔɠaai ɲɛ̨i ka ɉəɠə ɉu, kaa túwɔ́ laa yɛ nuąi di hvo Yálá kɔ́lɔn, nąą ɓɛlɛ a kpɛɛ ka kwəi.

Kɔlɔnikɔ Veerɛi 33:3

Ɉali kɔ́iɠaa tii nąn Ezekiasə ə di wolo, ə tinɛ̨n ə di tɔɔ, ə Baalə kɔ́iɠaa pɛli, ə wuluɠaa tɔɔ, diɛ gɔ́. Yɛ kwɛli hvilɛn pɛmɛ̨lɛ̨n-gɔwɠaa diɛ, yɛ di mąąwiɛ.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Izikiɛ 20:28

nɔi tii ŋą́ naakwɛlanmo diɛ, gɛ́ kɛ gáá pai dɛɛi di pɔ, ŋą́ di lɔ ɉu, di di ɲɛ̨i hee yee tɔɔ kəlee ɓa, da wulu laa huwiaa kəlee. Nąąɠaa ɓə di kɛi di wɔ halááɠaai kulɔ laa; diɛ nííholi haláá hɛnŋaa laa laa, diɛ haláá kun nɛ̨ɛ̨ɠaa kulɔ laa, diɛ nɔɔɠaa pu laa.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Mąątɛ̨nɛ̨ 78:58

Diɛ níikələn gwəi a di wɔ hali kɔ́iɠaai, di wɔ hali kɔ́iɠaa da ɉali mąąnįnįnŋaa diɛ níikələn gwəi.

Kɔlɔnikɔ Veerɛi 33:19

Manase nwɔ Yálá hvɛli woo, da bələi Yálá ə nwoo mu hon na, nwɔ túwɔ́ pələ ɲɔ̨nŋąą, nwoo kalai ə mo Yálá ɓa, ɓɛɠaai ə hali kɔ́iɠaa pɛli laa, yɛ wuluɠaa tɔɔ diɛ gɔ́, ɉali mąąnįnįnŋąą ə bɛli, gɛɛ hvo ɉɔn gɔlɔn Yálá ɲɛ̨i ɓa; mɛ̨nįɠaa tii kəlee pɛ̨ɛ̨ kaa Hozai nwɔ hɛɓɛ́i hu.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Dutɛrɔnome 12:2

Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.