Ɉeremi 17:14 - Yálá laawoo hɛɓɛ (dc)

¹⁴ Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Yálá laawoo hɛɓɛ

¹⁴ Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Bible

¹⁴ Yâwɛɛ, ye ḿalo ḿî, gɛ̀ ní ŋa pâi kɛ̂i a ŋ́gɔlɔi ponoɔɔ. Ŋ́gula mɛnîi, gɛ̀ ní ŋa pâi kɛ̂i a ŋ́uŋ ḿâ ƃóɔɔ. Yá nɔ́ ƃa ǹúui nyíi ŋa ǹáa maa tɛ̂i.

Ɉeremi 17:14 Referans Kwoze

Mąątɛ̨nɛ̨ 6:2

Yai-Laa, 'hvo ɉútɔɔ a ə́ líiholiɛ ə́ kwəi, 'hvó hąŋąn mą́ą́, a ə́ líikələnŋąą ə́ kwəi.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Mąątɛ̨nɛ̨ 106:47

Yai-Laa, ku wɔ Yálá! 'Ku ɓalo wɛ! 'Ku kulɔ huwu takpɛliɠaa lɔwai, ə ku ɲąąkpɔn. Kuɔ pɛli Ə́ laa Mąąhəɠɛɛ tooi a wələ, ɛlɛɛ, Ə́ mąątɛ̨nɛ̨ mɛ̨nį ə ɓo a ku ɲɛ̨i pono mɛ̨nį.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Dutɛrɔnome 10:21

Ya ɓə mąąnɛ̨ɛ̨ ka dɛnɛ, ka wɔ Yálá li. Mɛ̨nį kpɛa kpɛaai, da mɛ̨nį mąą ɲɔuwɔɠaai ə gɛ ka mąą mɛ̨nį ɓa, ka kpinįi ka gaa, a ka ɲɛ̨ikɔw, ya ɓə di kɛ.

Mąątɛ̨nɛ̨ 109:1

Nwələ ɲɛ̨itɔwɔmun, Davidə nwɔ Yálá mąątɛ̨nɛ̨ wələ. Yálá, yɛ́i gáá ə́ tɛnɛ̨i, 'hvó ə́ laa pilɛ.

Mąątɛ̨nɛ̨ 6:4

Ɉú kaa kpɛlin ɉi, Kɛlaa, Yai-Laa, yɛ́ ə lɛɛ ɉu, mįnɛ̨ lɔwai ə ɉəli la?

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Maafîu 14:30

Piɛrə ə gwɛlɛ kaa, vaŋą yɛ ɲa kɛ takpa-takpa, ə ɲɔ̨w, yɛ kɛa lɔ ɲa mu. Ə tómą yɛ mą: «Ną́mu, málo!»

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Maafîu 8:25

Nwɔ kalan nɛai, di lɛɠɛ mą, diɛ mą: «Ku Ną́mu, ku lɛɛ hiɛ ka ɲai, ku kulɔ wɛ ɉu!»

Mąątɛ̨nɛ̨ 148:14

Aa nwɔ nu huwui hvaŋą tɛ, aa ɲɛ̨i pɔ̨nɔ̨, ɲee pɔnuą kəlee nwun muhəɠə mɛ̨nį li, diɛi ɓaa a Israɛlə lonnii, a nu huwui tii nɛɠɛɛ mą. 'Kánikookwəi!

Mąątɛ̨nɛ̨ 60:5

Yáá naa ə́ wɔ nuąi diɛ, a ɲąąnwąnąą-e, yáá ku nwun ɉu tinɛ̨n nɔɔ tɔɔ ku la.

Mąątɛ̨nɛ̨ 12:4

Ee Yai-Laa! Nu ɓowo nuą tii, nɛ̨n gboloon dai di la, Ə́ bɛlɛ nwoo kpɛa-kpɛa ɓo nɛ̨n tii kəlee ɓa.

Lonon mo 12:13

Moisə ə nɛɛ mą ə wɔlɔ Yai-Laa ɓa, yɛ mą: «Ee kə Yálá, gáá nɛ̨ɛ̨mąą hvəi Yɛ́, kɔ́lɔi pɔ̨nɔ̨ tɛɛ bɔ.»

Mąątɛ̨nɛ̨ 54:1

Nwələ ɲɛ̨itɔwɔmun, gwɛnįn nwələ, Davidə nwɔ wələ.

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Ɉeremi 30:17

Ə́ wɛi ŋą́ą́ gɔwɔ tɔɔ gɛ́ kɔ́lɔi pɔ̨nɔ̨ tɛɛ ə́ pɔ, gɛ́ ə́ wɔ palaɠaai hali kɛ. Hvo gaai, di kaa kɛa kɛi yɛ́: «Daa gulɔ lɔwɛi», Siɔn ka tii nu ta ɲɛ̨i hvo kulɔi bɔ. Yai-Laa woo li.

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Mąątɛ̨nɛ̨ 6:3

Yai-Laa, 'mą́ą́wɛli kaa, ŋą́ą́ kpɔlɔɔn, Yai-Laa, málo, ɉúwɔ kəlee kaa lɔ kpɛlinɉii mą́ą́ ɉɔ̨ɔ̨!

Mąątɛ̨nɛ̨ 119:94

Ə́ pɔɔ ɓaa a ɲą́ą́! 'Málo! Mąąhɔlɔɓo, ə́ wɔ tɔn nwooɠaai kɛ lii kaa gwə́i.