Ɉeremi 16:21 - Yálá laawoo hɛɓɛ (dc)

²¹ Gáá kɛa pai kili tɛɛi di pɔ, gili tii pɔ pələ ɓə gáá nwɔ́ yee walawalalaa lɛi la diɛ, da gili kɔ́lɔn nąąlɔwai diɛ kɛ diɛ; náá ɓaa: «Yai-Laa.»

Yálá laawoo hɛɓɛ

²¹ Gáá kɛa pai kili tɛɛi di pɔ, gili tii pɔ pələ ɓə gáá nwɔ́ yee walawalalaa lɛi la diɛ, da gili kɔ́lɔn nąąlɔwai diɛ kɛ diɛ; náá ɓaa: «Yai-Laa.»

Bible

²¹ Yâwɛɛ è mò ǹyɛɛi, “M̀ɛni ma, ŋa pâi gɛ̂i ǹɔii-ŋuŋ-ŋai díŋa wála-wala-laai kɔ́lɔŋ a ǹɛ́lɛɛ a gɛɛ Ńyãa ƃa Yâwɛɛ.”

Ɉeremi 16:21 Referans Kwoze

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Ɉeremi 33:2

Yálái, yai hɛn gəlee pɛli, yɛ ɉee tin, naa ɓaa a Yai-Laa, nwoo ka, yɛ diɛ:

Mąątɛ̨nɛ̨ 83:18

Di hu ə pu diɛ a nwumɛ̨ da ɲɔw, di ɓɛlɛ ə kpɛɛ diɛ, ɓáá ə kulɔ diɛ, ə lɛɛ ɉu di haa la.

Amɔsə 5:8

Ya ɓə a pɛmɛ̨lɛ̨n-gɔw kpulu heei kulɔ yələ kwəi. Bɛmɛ̨lęn-gɔwɠaa yii ŋɛ̨i da kɛ mą Pleiadɛsə, diɛ ɓɛ da hvóló laa tee lɔwai lɛ. Yiiɠaa ŋɛ̨i da kɛ mą: Oriɔn, diɛ hąmą lɔi lɔwai lɛ. A pɛli kpinį mąą pənəi a yələwala pɔ. Yɛ yələɓoɔ hu kpinį, ə gɛ, kpinį ə pɛlɛ. A pɛli mą ə gboloyá hvɛɛ, ə naa lɔi mɛ̨i nąą kəlee. Yálái a mɛ̨nįɠaa tii kɛ, naa ɓaa: Yai-Laa.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Lɛɛ gbɔwɔ ɓa 15:3

Yai-Laa kaa a kɔ́kuláá, Naa ɓa a: Yai-Laa.

Izikiɛ 25:14

Ɲą́ą́ gbínii ɓə nwą́ną kulɔi Edɔmə ɓa, a nwɔ́ lɔi Israɛlə yee. Di ka pai Edɔmə hon ɉii, yɛ bələi nwɔ liiholi da nwɔ lii ɲanwana kaa la bɔ; bələ ɓə da nwą́ną kɔ́lɔn na. Mɛ̨nį kəlee ŋą Hééɓomun Yálá woo li.

Izikiɛ 24:27

Mąą yələ, ə́ laa a hvaa, yɛ pɛli pələ ɓoi nui tii pui mą; ə́ kaa pai kɛi hvaai, hvo kɛa pai kɛi a muugbɛ. Yáá gbɛa kɛ mɛ̨nįɠaa lɛɛ kwɛaa la, yáá mo diɛ, di kaa pai gili kɔ́lɔn ɉii nąąlɔwai, diɛ kɛ ɲą́ą́ ɓə gáá a Yai-Laa.»

Izikiɛ 24:24

Ezekiɛlə aa mɛ̨nįi tii lɛɛ kwɛa la, yɛ nɛ kaa. Mɛ̨nįiɠaai kpɔ ə gɛ, ka káá pai gəlee kɛi. Mɛ̨nįi tii a pa həlii kaa, ka gili kɔ́lɔn nąąlɔwai, kaa kɛ ɲą́ą́ ɓə gáá a Mɛ̨nį kəlee ŋą Hééɓomun Yálá.›

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›