Ɉeremi 15:9 - Yálá laawoo hɛɓɛ (dc)

⁹ Lon ɉinąą mɛ̨ihveelɛ kaa lee, aa kulɔ nwului, vina aa tɔ́n, nwɔ hvólói aa lɛɛ tɔɔni nwun ma, aa kpɛɛ; nwumɛ̨ aa ɲɛ̨i paa, gwəi aa pili mą. Yii ɓaa nu kpəli woloi a lɛɛi, gáá pai dɛɛi ɓɔwa kwɛaa pɔ; ɓɛlɔwai di yowoɠaa kaa pai woloi la diɛ. Ɲą́ą́ Yai-Laa nwóó li!»

Yálá laawoo hɛɓɛ

⁹ Lon ɉinąą mɛ̨ihveelɛ kaa lee, aa kulɔ nwului, vina aa tɔ́n, nwɔ hvólói aa lɛɛ tɔɔni nwun ma, aa kpɛɛ; nwumɛ̨ aa ɲɛ̨i paa, gwəi aa pili mą. Yii ɓaa nu kpəli woloi a lɛɛi, gáá pai dɛɛi ɓɔwa kwɛaa pɔ; ɓɛlɔwai di yowoɠaa kaa pai woloi la diɛ. Ɲą́ą́ Yai-Laa nwóó li!»

Bible

⁹ Ǹee-nuui nyíi ŋɔnîa-pɛlɛɛ lɔ́ɔlu-mɛi feerɛi dí sàai, a pâi fôai, gɛ́ ǹá tâa ǹɛ̂wo mɛni ma. Ŋɔkwaa ponoɔɔi a pâi penêi a kpíni. A pâi ŋumɛ̂i a ƃaa-kula-maa pere. Diai pâi lɛɛ̂i a dífului, ŋa pâi gɛ̂i díkpɔara-ƃela dí dípaa kɔ́ su. Ńyãa Yâwɛɛ ƃé mò tí.”

Ɉeremi 15:9 Referans Kwoze

Samuɛlə dɔlɔɔ 2:5

Nuąi kɛi kɔ̨nɔ̨n ɉu kala, di kaa kóló kwɛlii kɔ̨nɔ̨n ɉɔlɔɓo mɛ̨nį ɓa. Nuąi kɛi pulu həɠə, diɛ di hvįitɔɔ. Ɛlɛɛ kpomąnɛ̨ą aa lon gaa mɛ̨ihveelɛ. Ɛlɛɛ, lon gaa nɛ̨ɛ̨nu kwəi aa haa.

Azaya 47:9

Mɛ̨nį ɲąąnwąnąą hveelɛi tii kaa laai yɛ́, a yələ tɔ̨nɔ̨, hvóló tanɔ̨n yee mu, yá hvɛɠɛ a ə́ lonnii, kalaninnaa ə laa ə́ mɛ̨i, gəlee kaa pai həlii yɛ́, bələi mąn tɔlukpɛ pələ tamąą la ə́ yəi, ɲɛ̨ąkpɛ nuą kpulu kɛnɛ̨ la ə́ yəi, dɛɛ gɛi ɓa.

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Ɉeremi 21:7

Yili pulu, ŋį́ Ɉuda tɔɔmun Sedesiasə tɛɛ Babilonə tɔɔmun bɔ, yaa da daa ŋɛ̨i hu nuą, yiiɠaai pai kulɔi ɲɔ̨n ɲəi, da kɔ́ kɔ́ ɓɔwa, ə mą kɛ, pulu. Yiliɠaa da too Babilonə tɔɔmun ɲəi, da di yowoɠaa, yiiɠaa di hvilɛn ŋąą di pulu di paa mɛ̨nį ɓa. Gaa pai di paai, hva di mąąwɛli kaa, hva di mąą hvaalɛɛ, di ta lɔpee hva kulɔ a ɲee wolo.›» Ɲą́ą́ Yai-Laa nwóó li!

Ɉeremi 6:4

'Ka ka hą́ą́ yili kɔ́ kɔ́ mɛ̨nį ɓa! 'Ka ka muhəɠə! 'Ka ɲili ŋą 'Ka li gɔ́ mɛ̨i a hvoló ŋą ɉə́ ɉə́! 'Ku nwun napiliɛ li! Hvóló mąą kaa laai! Pɛlɛ kɔ́n nįnįn yɛ kwɛa.

Ɉeremi 7:19

Akɛ tii mɔ̨ɔ̨, ɲą́ą́ ɓə tii di nííkələn ɉii gwə́i? Yai-Laa, woo li! Kɛlaa diɛ kpinįi lɔ ɓə? Mąą nɛ̨ɛ̨ kɛ, diɛ kpinįi di nwumɛ̨ kɛ ɉu.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 50:12

Nwumɛ̨ aa ka lee ɲɛ̨i paa, nɛ̨ɛ̨nui ŋɛ̨i ka kaai, nwumɛ̨ aa tɛ ma, lɔiɠaa lɔwai, aa kɛ a nɛɛ bulu, aa kɛ a: lɔi pun, ɉu kpalaa, a lɔi kpoloon.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.