Ɉeremi 15:17 - Yálá laawoo hɛɓɛ (dc)

¹⁷ Və́ kɛ gwə́inɛɛ mɛ̨nį kwɛli li ɓowo pələ kɛ nuą pɔ. Ə́ yee huwalawala, ə dɔ́ɔ́ a déé. Hvo gaai, ə́ nwɔ liikələn gwəi aa hee ɉú kpɔ kɛnɛ̨.

Yálá laawoo hɛɓɛ

¹⁷ Və́ kɛ gwə́inɛɛ mɛ̨nį kwɛli li ɓowo pələ kɛ nuą pɔ. Ə́ yee huwalawala, ə dɔ́ɔ́ a déé. Hvo gaai, ə́ nwɔ liikələn gwəi aa hee ɉú kpɔ kɛnɛ̨.

Bible

¹⁷ Kwa nûa kúfe sèe ní kúkîe ma kúkɛ ɣɛ̀lɛ, kúkɛ kúnîa mɛni kɛ̀. Ŋá íwoo mɛ̀ni, ŋá lɛ́ɛ see-ni ńyãa tɔnɔ kwaa maa, ńii ŋwánaa.

Ɉeremi 15:17 Referans Kwoze

Woolaa 3:28

Ə hee dɔ̨nɔ̨ konɉu ə mɛ̨ihaa ɓɛlɔwai Yai-Laa a yili laa la nwuɔ̨.

Mąątɛ̨nɛ̨ 1:1

Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Mąątɛ̨nɛ̨ 102:7

Gáá yɛ lɔi pun ɉu nwɛ̨ni, yɛ taa kpoloon ɉu Múu.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Ɉeremi 16:8

Pɛlɛi nwɔ̨nɔ̨ di kaa hɛli pui mu, 'hvó li laa. Ka diɛni ka hvo ka yee lɔ kɔ́wɔ tɔ̨nɔ̨ hu, ka hvo lɔɔ kpələ gee ɓa.

Ɉeremi 1:10

Ə́ kili ə kɛ ɉu, yɛ́ kɛ gáá heeɓo laa tɛɛi ə́ pɔ háákələi lɔiɠaa mɛ̨i, da tɔɔɓɛlaa mɛ̨i. Yɛ́ mɛ̨nįɠaa kulɔ a nwun, yɛ́ naa pɛlɛ, yɛ́ di hu kala, yɛ́ di ɓuwɔ. Yɛ́ da tɔɔ, yɛ́ da hi.»

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»