Ɉeremi 15:14 - Yálá laawoo hɛɓɛ (dc)

¹⁴ Gáá ə́ kɛi a ə́ yowoɠaa di wɔ luwɔ, lɔi takpɛli hu, ɓɛi hvó nąą kɔ́lɔn. Nwɔ́ liiholi a ɓɛla ka mɛ̨i, yɛ nwɔ̨n, yɛ ka kələn.

Yálá laawoo hɛɓɛ

¹⁴ Gáá ə́ kɛi a ə́ yowoɠaa di wɔ luwɔ, lɔi takpɛli hu, ɓɛi hvó nąą kɔ́lɔn. Nwɔ́ liiholi a ɓɛla ka mɛ̨i, yɛ nwɔ̨n, yɛ ka kələn.

Bible

¹⁴ Ŋa pâi kátɛɛ̂i kɔ-sôŋ-laa su kákpɔara-ƃelai pɔ́ ǹɔii su ƃɛ́i káfe ǹaa kɔ́lɔŋ. Ŋálii ŋwânai kɔ́ɔ a pâi pîlani yɛ̂ɛ da ŋɔŋ tôo, nyíi pâi kákerenîi wɔ́lɔ-wɔlɔ da wɔlɔ-wɔlɔi.”

Ɉeremi 15:14 Referans Kwoze

Ɉeremi 16:13

Yili ɓə gɛi, gáá ka kulɔi ɓɛ nɔi, ka li ɓɛi ka nąnni di hvo nąą kɔ́lɔn, ə mą kɛ kaa kpinįi ŋɛ̨i. Ka pa lii laa, ka káá lii kɛi haliɠaa mąąwiɛi laa a yələ kəlee, ɛlɛɛ, ka hva pɛli ka kilitɔɔi nwɔ́ wɛlikɛmąąlaa ɓa.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Ɉeremi 17:4

Ə́ kaa pai gwələ kəlee kulɔi yɛ tɔ̨nɔ̨, ə́ mąą kwɛaa nɔi ŋį́ dɛɛ ə́ pɔ mą. Gáá pai ə́ lɛɛi ə́ yówóɠaa yee mu, nɔi hvo gɔlɔn ɉu. Mąąhɔlɔɓo, kaa nwɔ́ liiholi nwun, hvo kɛa pai kpɛlai mą.

Mąątɛ̨nɛ̨ 21:9

Ə́ yee kaa pai tɛɛi ə́ yowoɠaa kəlee diɛ, nuąi da tɔɔ ə́ la, ə́ ɓa-mįi-yee a gəlee hon.

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Amɔsə 5:27

Yili mąą mɛ̨nį ɓa, gáá pai ka kulɔi ɓɛ, ŋį́ ka tɛɛ Damasə lɔi pulu pələ. Yai-Laa yii gaa a Mɛ̨nį Kəlee ŋą Hééɓomun Yálá, nwoo li.

Ɉeremi 52:27

Babilonə tɔɔmun ə mo, di di paa Rivla daai Hamatə lɔi hu. Bələ ɓə di Ɉuda nuą kulɔ la di pɔ lɔi, diɛ li a diɛ kwɛaa la luwɔlaa hu.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Dutɛrɔnome 29:23

Nąąlɔwai, hį́i kəlee kaa pai kɛi diɛ: ‹Lə ɓə kɛ yaai, Yai-Laa ə nɔi ŋɛ̨i hon bələ kɛ ŋɛ̨i-oo? Niiholi kɛnɛ̨i ŋɛ̨i ə gulɔ, nwun maa a lə?›

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.