Bib sou entènèt

Ɉeremi 15:1 - Yálá laawoo hɛɓɛ (dc)

¹ Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Gade chapit la Kopi

Yálá laawoo hɛɓɛ

¹ Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Gade chapit la Kopi

Bible

¹ Nya ƃe Yâwɛɛ è mò ḿâ ǹyɛɛi, “Eêi kɛ̀ Mose da Samia dîi kɛ̀ tɔɔ̂-ni ŋ́ɛi túɛ, dí kɛ́ ǹûai ŋí maa kpêra-fei kɛ̀, ḿvei ŋ́gili-ŋa sìa é pîlaŋ ǹûai ŋí dîa. Dí kúla ŋ́ɛi. Ǹɛɛ náa dí lí.

Gade chapit la Kopi

tounen moute ⬆

Ɉeremi 15:1
32 Referans Kwoze

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Ɉeremi 14:11

Yai-Laa yɛ mą́ą́: «Hvo kɛ ə́ kaa ə́ laa tooi nuą ŋɛ̨i mąą mɛ̨nį hu, yɛ́ kɛ ə́ kaa di mąą loohaai di kulɔ mɛ̨nį ɓa ɉu.

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Tɔɔɓɛlaa veelɛ 17:20

Yili ɓə gɛ Yai-Laa yɛ Israɛlə huwu kəlee pili, ə di nwumɛ̨, ə di lɔ toomɛ̨i kɛ nuą yəi, ə naa kulɔ kɛa a di kpɛi ə mo ɲɛ̨i mu.

Samuɛlə dɔlɔɔ 7:9

Samuɛlə ə ɓɛlaa lon ɉəɠə, naa ə ɓo nii ɲįnį ɓa, ə gələn a gbuwulu, a kwəli hvilɛn ŋąą Yai-Laa ɓa. Samuɛlə ə tomą Yai-Laa bɔ pələ a Israɛlə maa nɛ̨ɛ̨mąą hvə pələ, Yai-Laa ə nwoo mu hon.

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Ɉeremi 23:39

Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.

Ɉeremi 18:20

Da mɔ̨ɔ̨ mɛ̨nį lɛlɛɛ pɔɔ kulɔ a mɛ̨nį ɲɔ̨nwɔ̨ɔ̨? Di kaa mą́ą́ tinɛ̨n ɉii a hɛlɛn, bələi ŋą́ą́ tɔɔla ə́ ɲɛ̨i ɓa, nąą kili ə too ə́ ŋą. Gɛ́ ə́ hvɛli di mąą mɛ̨nį ɓa, gɛ́ ə́ wɔ líiɲąnwąną mąą kwɛa diɛ.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Hanwon 14:35

Tɔɔmun a ɲɛ̨i lɛlɛɛ hee, tímun gili kaa ɲəi, mą. Kɛlaa, a ɲɛ̨i ɲɔ̨nwɔ̨ɔ̨ hee nui a nwumɛ̨ tɛ nu, bɔ.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Ɉeremi 35:19

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ: ‹Rekavə lon Yonadavə nwɔ nu hvo pai kpɛɛi nííla a yələ kəlee.›»

Nwun mąąɓo 5:9

«Nį́ilaai Israɛlə ɲɛ̨itɔwɔ nuą mɛ̨i, da nuąi da di kpɔwɔ kwɛlɛ a kwəinɛ̨ɛ̨. Ka Yai-Laa mąąwiɛ.

Zɛnɛse 19:27

Mąą yələ laa ɓoɔ, yələwala pɔ, ɓɛi ŋɛ̨i Abrahamə da Yai-Laa di kɛ la tɔɔni diɛ dɔɔ bələi woo ɓo, Abrahamə ə li ə tɔɔ laa.

Zakari 3:3

Ɉosue ə kɛ tɔɔni malaka lííla, həɠə mąąliɓɛɛ ə ɓo gwąną.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Samuɛlə dɔlɔɔ 12:19

Nɔi lonnii kəlee diɛ Samuɛlə ɓa: «Ə́ wɔɔ luwɔɠaai maa nɛ̨ɛ̨mąą hvə Yai-Laa ɓa, ə gɛ, ku hvo ləi pa haa. Hvo gaai, kwaa ku kɛ nɛ̨ŋɛ̨nŋaa ta laa mɛ̨i, gɛ mɛ̨nį ku tɔɔ nwɔ̨nɔ̨, kuɔ tɔɔmun ɉu hvəli, kuɔ ɉee, yɛ ku ɲąąwooɓo.»

Ɉeremi 9:19

Nɛ̨ąą! Ka ka wəli tɔɔ Yai-Laa woo ɓa! Nwoo tii kulɔi na ə lɔ ka wəlii! Ka ka lonnii mąąkwɛli mąąwɛli wɔlɔi ŋɛ̨i ɓa; ka nwoo lawoo ŋɛ̨i lɛ ka heeyɔwɔ nɛ̨ąą diɛ,

Ɉeremi 10:18

Yai-Laa woo li, yɛ diɛ: Yii hu nwɛi, gáá nuą kəlee kulɔi nɔi; gɛ hvilɛn di pulu kpɔ hɔɔlɛɛ, ə gɛ, di hvo pa lan ɲə́i.

Ɉeremi 16:5

A tɛ̨ą Yai-Laa woo ka, yɛ diɛ: Pɛlɛ́i da di ŋąąkpɔn mu, diɛ haa wɔlɔ ɓo, 'hvó lɔ laa, hvó li haa mɛ̨i, hvó ə́ yee too di yəi a pələ lɔpee ta. Gbalai tɔɔ, nwun na nɛ̨ɛ̨i ŋą́ nuą ŋɛ̨i kɔ́ la, ŋą́ą́ pənə ŋą́ą́ gulɔ di yəi, di wɛli la kɛi ŋį́ mo, gɛ́ di ɲɛ̨imąąwɛli kaa yili aa kpɛɛ. Ɲą́ą́ Yai-Laa nwóó li!

Ɉeremi 16:13

Yili ɓə gɛi, gáá ka kulɔi ɓɛ nɔi, ka li ɓɛi ka nąnni di hvo nąą kɔ́lɔn, ə mą kɛ kaa kpinįi ŋɛ̨i. Ka pa lii laa, ka káá lii kɛi haliɠaa mąąwiɛi laa a yələ kəlee, ɛlɛɛ, ka hva pɛli ka kilitɔɔi nwɔ́ wɛlikɛmąąlaa ɓa.

Ɉeremi 22:28

Koniahu a mɔ̨ɔ̨ kɛ yɛ hɛnɲąŋą wolɔɔ yai dɔlɔ hvo kɛa mą, a mɔ̨ɔ̨ kɛ yɛ hɛn ɲąŋą yii di hvo bɔ? Lə ɓə kɛ yai daa di pili, yaa da nonnii, diɛ di pili lɔi di hvo gɔlɔn ɉu?

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Osia 9:15

Di kwəi kili ɲɔ̨nwɔ̨ɔ̨ tii ə too pɔ̨nɔ̨ ɲą Gilgalə: Nąą ɓə di wɛli ə kpɛɛ laa mą́ą́; Di kɛ mɛ̨nįɠaa ɲɔ̨nwɔ̨ pələ, gáá pai di kpɛi ɲə́i bɛlɛ́n, di wɛli hva kɛa too mą́ą́, di ɲɛ̨itɔwɔ nuą kəlee kaa a kulɔ nwoo mu nuą.

Swiv nou:

Lyen patwone

Piblisite

Piblisite