Ɉeremi 14:3 - Yálá laawoo hɛɓɛ (dc)

³ Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Yálá laawoo hɛɓɛ

³ Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Bible

³ Dɔɔ-ƃelai dí díyee mu-ƃelai tɛ̂ɛ yá kɔɔ̂i. Nya ƃe dí lì ǹyá-loai lá dífe yá káa ní naa. Dí lène pôlu a díya-kɔɔ sɛŋ-folo-ŋai a vólo. Dí líi è tòo pôlu díkili ŋá é pú, dí díyee pɛ́lɛ díŋɛi a ŋumɛ pere.

Ɉeremi 14:3 Referans Kwoze

Samia Veerɛi 15:30

Davidə ə kɛi olivie yee tɛ, ə kɛi ɲee tɛ a wɔlɔ; həɠə pɛlɛɛ nwun mɛ̨i, ə kɛi hiɛ kɔ́lɔ hvo kɛ gɔwɔŋa. Nu kpului tii kɛ bɔ, həɠə ə kɛ gəlee nwun mɛ̨i. Di kɛi li, diɛ ɲee tɛ diɛ wɔlɔ.

Mąątɛ̨nɛ̨ 40:14

Yai-Laa, hvaamą ə́ gúlɔ ɉu, 'pa kilɛ mą́ą́, Yai-Laa.

Tɔɔɓɛlaa veelɛ 18:31

Ka hvo kɛa ka wəli tɔɔ Ezekiasə woo ɓa, mąąhɔlɔɓo, yii Asiri tɔɔmun ə mo ya ka: Ka hvaa mą gwa kaani gu nɛ̨ɛ̨. Ka ka kpɔɔ tɛɛ bɔ́, akɛtii, ka káá pai ka wɔ viɲə yɛɛɠaa dɔ̨nɔ̨ kulɔi da ka wɔ Ɓolaa wuluɠaai, ɛlɛɛ, ka káá ka ka kpələ a ka wɔ yálɔwa hu yá.

Amɔsə 4:8

Taa hveelɛ ɉaaɓa di kɛi li taa takpɛli hu, ə gɛ, di kpələ ya hɔlɔɓo, kɛlaa, di hvo kɛi ɉɔlɔɓo kɛnɛ̨. Kɛlaa, ə mą kɛ tii, ka hvo gɛ li, ka hvo pənə, ka hvo pa bɔ́. Yai-Laa woo li.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Zooɛ 1:20

Nɔwɔ huwɔɠaa kəlee, daa di yee laa kwələ hee yɛ́, ɲaɠaa kəlee daa kpala. Ɲa kwɛlɛ kpomóɠaa daa kələn.

Ɉeremi 20:11

Kɛlaa, kwa Yai-Laa ɓə ku tɔɔ, ya ɓə gaa a kɔ́kuláá kpəɠiɛɛ. Nuąi di hvilɛn ŋąą búlú, di kaa pai kalin ɉii, mɛ̨nįi di kaa gwɛ́lii la, di yee hvo pai pɛlii mą. Nwumɛ̨ kaa pai di ɲɛ̨i paai. Di yee hvo pai lɔi. Di ɓɛlɛ kaa pai tooi a yələ kəlee, di hvo pai lɛ̨ąi yili ɓa.

Ɉeremi 14:4

Nɔi aa kpala, yɛ ɓɛla, tulɔ pulu kolo too pələ ɓa; Díí kɛ nuą kwəi aa pilii diɛ, daa kpaan

Mąątɛ̨nɛ̨ 109:29

Ɓáá ə kulɔ gálámąɓo nuą diɛ, nwumɛ̨ ə di hon, ə kpɛlaan a diɛ di nąą kəlee, yɛ biliɉu.

Zôo 6:20

Daa nwumɛ̨ gilitɔɔmaa laai ti hu, mąąhɔlɔɓo, daa pa di hvo hɛn da kaa li laa.

Tɔɔɓɛlaa dɔlɔɔ 17:7

Gwɛlan tii yee mu, hvóló kɛnɛ̨ ə hɔɔ. Eli ə li mąąkilɛi Keritə huluun ɉii. Kɛlaa, ɉu hvo kɛa, ɲai tii ə kpala, mąąhɔlɔɓo, tulɔ hvo kɛi pu.

Samia Veerɛi 19:4

Mąą yələi tii, nuą di kɛi tɛ taai, yɛ nuą da pu kɔ́ ɓa, daa nwumɛ̨.

Ɉeremi 2:37

Ə́ kaa pai kulɔi laa, ə́ yee laa ə́ nwuɔ̨ a nwumɛ̨. Mąąhɔlɔɓo, nuąi yáá ə́ kilitɔɔ diɛ, Yai-Laa tɛɠɛ ɓoɔi di hu. Bələ ɓə ɓáá a kulɔ la yɛ́.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 15:18

Lə ɓə kɛ yai, nwɔ́ mɔ̨nɔ̨i kpɛɛ hvə kɛ li mą-o? Mą́ą́ pala hali hva kɛ? A tɛ̨ą, yáá kɛ mą́ą́ a nu ɓowo yá nwun gulɔi, nu hva pɛli gilitɔɔi ɲai tii ɓa.

Woolaa 4:4

Kpələ wɛli yɛ, ɲįnį kpələ lon nɛ̨n gąnąn nɛ̨ŋɛ̨-nɛ̨ŋɛ̨ mu, lɛapɛlɛɛ diɛ kɔ̨nɔ̨n vɛli, nu ta hva hɔlɔɓo hvo nɔna tɔ̨nɔ̨ kpɛli tɛɛ di pɔ.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Zakari 14:17

Kɛlaa nɔi hu nuą yiiɠaa di hvo pai gɛi di hvo tɛ Ɉerusalɛmə, di hvo pɛlɛ, Yai-Laa Mɛ̨nį Kəlee ŋą Hééɓomun lííla, tulɔ hva pu di mɛ̨i.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.