Ɉeremi 14:2 - Yálá laawoo hɛɓɛ (dc)

² Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Yálá laawoo hɛɓɛ

² Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.

Bible

² “Zuda káa wɔ̂lɔi. Ŋɔtaa lêe-ŋai díkaa wôloi. Ŋɔnûai díkaa laâ-ni ǹɔii ma a malôŋ pere, Zerusâlɛŋ kɛ́ wɔ̀lɔ kpɔŋ mâ mɛni ma.

Ɉeremi 14:2 Referans Kwoze

Azaya 3:26

Siɔn taa kaa pai ɲiŋɛ̨i, yɛ nwoo laa; a lɛɛ a ɲee howolo, ə ɓo heeni lɔi ɓa.

Ɉeremi 8:21

Ɉú kpɔ-kpɔɔ aa yali, nwɔ́ nuą di wɔ mɔ̨nɔ̨ kɛnɛ̨i mąą mɛ̨nį ɓa. Gaa kpinįi, mą́ą́ aa wɛli.

Samuɛlə dɔlɔɔ 5:12

Nuą lɔwai nuąi di hvo haa, pulu kulɔ kpan ə pɛlɛ gəlee diɛ. Daa nąą kəlee ə kɛi nwoolaa diɛ wɔlɔ, di woo yɛ tɛ yələkɔlɔn ma.

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Zooɛ 2:6

Da kɛi lɛɠɛ nuą diɛ, nu kəlee da kpɛlin a ɲɔw, nu kəlee ɲɛ̨ilai mąą a hvalin di ɲɔw pələ ɓa.

Zooɛ 1:10

Daa ɲɛɛ kɔ́ɠɔi hɛnŋąą kəlee mį́i kpɔ kpun, nɔi aa lɛɛ a gboloon. Gbalai ə tɔɔ, daa mɔ̨nun gəlee mį́i, lɔɔ hvo kɛa hɔlɔɓoi, nwulɔ nįnɛ̨ɠaa kəlee daa kpɛɛ.

Osia 4:3

Nɔi ɲɛ̨i mąą aa wɛli, ɉu nuą kəlee diɛ kpala, ə mą kɛ lɔwɔ huwɔɠaa, da yələi nwɛ̨niɠaa. Ə mą kɛ gboloyá hu hɔ̨nwɔ̨leeɠaa di kaa pai kpɛɛi.

Woolaa 5:10

Pulu aa ku kɔ́lɔ kələn kuɔ yɛ nwɔ̨n dįnįi pɔ́lɔ.

Woolaa 2:9

Siɔn kponŋaa kəlee daa lɛɛ pɔ́lɔ mu, naa kpulu kwɛliɠaa kəlee hu aa yali yali. Dɔɔmun da nwɔ kalanɉonŋaa daa lɛɛ nu takpɛliɠaa yee mu. Yálá kwəi mɛ̨ni hukulɔ mɛ̨ni hvo kɛa ɉu laa. Yálá hvo kpɛli kɛa gwəi mɛ̨ni lɛi gwəi mɛ̨ni hukulɔi nuą diɛ.

Ɉeremi 18:22

Wɔlɔ woo ə tɔɔ di wɔ pɛlɛ́ɠaai mu. Ɓɛlɔwai ə́ kaa pai toomɛ̨i kɛ nuą ɲąątɔɔ la diɛ di tɛɠi mąąhɔlɔɓo, daa mą́ą́ tinɛ̨n a hɛlɛn, ɉón mɛ̨nį ɓa. Daa hɛlɛn dɛ gɔ́wɔ́ mu.

Ɉeremi 12:4

Nɔi kaa pai lɛɛi wɔlɔi, ə lɛɛ ɉu, lə yələ ə ɉəli? Ɲea kɔ́wɔ hu kala tiliin gəlee kaa pai lɛɛi kpalai, ə lɛɛ ɉu, lə yələ ə ɉəli? Ɉu huwɔɠaa kəlee da nwɛ̨nįɠaa diɛ haa; nɔi nuą lii ɲɔ̨nwɔ pələ mąą mɛ̨nį ɓa, a diɛi kɛi diɛ: «Yálá hvo ku wɔ pɛlɛ́ɠaai kaai, da mu mɛ̨nįɠaa.»

Ɉeremi 4:28

Yili mɛ̨nį ɓə nɔi kaa mąąwɛli hee ɓoi la; yələ kwəi yɛ kpinį, mąąhɔlɔɓo, mɛ̨nįi ŋą kili tee gwə́i, ŋą́ą́ mo; və́ pai ɉəgəi mą.

Azaya 33:9

Nɔi kaa haa wɔlɔ ɓoi, yɛ kpala; Liban aa nwumɛ̨, yɛ kpala, Sarɔn aa kɛ yɛ Ɉurdɛn ɲa-ɓoloon bɔ lɔi, Basan da Karmɛlə wuluɠaa di laa aa pu.

Azaya 24:7

Haa aa too nɔɔ nįnɛ̨ ɓa, viɲə kpɔlɔ kaa kpalai, nuąi kɛ yɛnɛ̨ɛ̨ ɲąąnɛ̨ɛ̨ hu, diɛ ɲiŋɛ̨.

Azaya 24:4

Lɔi kaa wɔlɔi, ɉu yɛ kala, yɛnɛ̨ɛ̨ kəlee kaa kulɔi nwului, ɉu yɛ kala, lɔi mɛ̨i hee ɓo nuą lɔwai, nu kpɛa kpɛa kaa kulɔi di wului.

Azaya 15:5

Gáá wɔlɔi Moabə mɛ̨i, pu nuą daa həli kpɔ Soarə, daa həli Ɛglatə-Selisiya. Diɛ Luhitə yee kpukpu tɛ a wɔlɔ, diɛ tómą a ɲąą nwąnąą Horonaimə pələɠaa pɔ.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Zôo 34:28

Ə lɛɛ kpɔ ɉu, mąąwɛli mun nwɔlɔ woo ə həli mą, ɛlɛɛ, təli lon domɔ̨ woo ə həli mą.

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Mąątɛ̨nɛ̨ 144:14

Ku wɔ nįŋɛ̨ɠaai daa kpɛa kpɛaa, di hvo kɛa pɛlii wolo ɉį́i ɓa wɔlɔ woo hva kɛa tɔɔ ku wɔ taaɠaa hu!

Azaya 24:11

Di kaa lɔɔ kwɛlii gwəliɠaa pɔ, kwəinɛ̨ɛ̨ mɛ̨nį kəlee aa kpɛɛ, kwəinɛ̨ɛ̨ kəlee aa kpɛɛ nɔi.

Ɉeremi 12:11

Daa mąą pənə a lɔi pun. Daa nɛɛ ɲə́i a húwɔ kpili, a mąąwɛli lɔi. Ɛlɛɛ, nu ta mąą kpaan və ɉu.

Ɉeremi 46:12

Lɔiɠaa daa ə́ nwumɛ̨i kaa, ə́ tomą woo aa lɔi nąą kəlee kulɔ. Kɔkulaa kaa kɛlɛi kɔkulaa hu, gəlee hveelɛi diɛ too a gee.

Woolaa 2:8

Yai-Laa aa Siɔn lɛlɛɛ mąąkpɛ hįi pu kili tee gwəi; yɛ gaa nąą kəlee kalan ɉi, ə ɉee tin-tin, yɛ hva pɛli ɲee yalii bulu, hvo kɛli a nąą kəlee wolo; aa bɛlɛ́ nwąną hveelɛi kəlee kɛlɛ, aa woolaa too gəlee la.

Egaa 1:11

Yili ɓə gɛ, ŋį́ hvóló laa tee ka pɔ lɔi, ɲee kpu kpuɠaa diɛ, tíiɠaa da viɲə yɛaɠaa ɓa, ə mą kɛ olivə ɲɛaɠaa da yii kpɔ ka ɲɛa laa. Hvóló laa ə tee gəlee diɛ. Huwɔɠaa diɛ ɉu mɔ̨nɔ̨ mįi, ka kɛ kóloɠaa hu ə kala.»

Zooɛ 1:11

Tíi kɛ nuą! 'Ka ka woolaa, viɲə yɛa laa nuą! 'Ka wɔlɔ, mɔ̨nun da kpai di hu aa kala, mąąhɔlɔɓo, hihɛn da hvo ɓa li.

Zooɛ 1:14

'Ka nolo ɓo nu kəlee mɛ̨i, 'ka ka mąąhəɠə hin nɔ. 'Ka galanɉonŋąą ɲąąkpɔn, 'ka nɔi lonnii kəlee təli. Yai-Laa ka wɔ Yálá yəi bɛlɛ́n, 'ka wɔlɔ Yai-Laa ɓa.