Ɉeremi 14:18 - Yálá laawoo hɛɓɛ (dc)

¹⁸ Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Yálá laawoo hɛɓɛ

¹⁸ Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Bible

¹⁸ Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 14:18 Referans Kwoze

Izikiɛ 7:15

Gɔ kɔ́ ɓɔwa kaa pai kɛi bələ mɛ̨i, ɲɔ̨n da pulu di ɓo bɛlɛ́n bələ. Nui yɛa, gaa pai haai a kɔ́ kɔ́ ɓɔwa laa pɔɔ; nui tai, pulu da ɲɔ̨n mə pai ɉu kalai.

Woolaa 1:20

Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Ɉeremi 8:10

Yili ɓə gaa mą, Yai-Laa yɛ diɛ: Gáá di nɛ̨ąni tɛɛi nu takpɛliɠaa pɔ, di wɔ tííɠaa di lɛɛ nui a ɉəɠə ɲəi. Mąąhɔlɔɓo, di kəlee di hɛn nwɛliɛi, ə kɛ a lokolo, ə kɛ a nu kɛnɛ̨, gəlee túwɔ́ pələ kaa lɔ a lɛɛ, Yálá kwəi mɛ̨nį hukulɔ nuą mąn ə mą kɛ ɉaláá laa həli nuą mąn.

Ɉeremi 6:13

Mąąhɔlɔɓo, di kəlee di hɛn nwɛliɛi. Nu kpɛa kpɛa mąn, ə́ mą kɛ yee mu nuą. Ə gɔwɔ tɔɔ Yálá kwəi mɛ̨nį ɓo nuą diɛ, ə həli la ɉaláá kulɔ nuą diɛ, di kəlee di túwɔ́ pələ kaa lɔ a hulu mɛ̨nį.

Ɉeremi 5:31

Nuą daa di kpɔɔ kɛ a Yálá kwəi mɛ̨nį hukulɔ nuą, di kaa lɛɛ woo ɓoi. Ɉaláá kulɔ nuą diɛn, hɛn lɔpee di yee a pɛli mą, da nɔ di yəi ɲuɓoi. Yili aa kɛi kɛ tii, nwɔ́ nuą kwəinɛ̨ɛ̨ ɉu. Kɛlaa, ka káá pai gɛi ləi a naa kulɔ yələ?

Dutɛrɔnome 28:36

«Dɔɔmun ka ɉee ka nwun na, Yai-Laa kaa pai ka diɛni ka tɛɛi, nu huwui wɔlɔ ka nąnni di hvo gɔlɔn, ɛlɛɛ, kaa kpɛli ŋɛ̨i ka hvo gɔlɔn, di pɔ, kaa ɓo di yee kɔ́nma, kaa tí haliɠaa diɛ, diɛi di kaa a wulu, da kwɛni.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Ɉeremi 23:21

«Nuą tii di kpɔɔ kɛi a Yálá kwəi mɛ̨nį hukulɔ nuą, ɲą́ą́ hvəi di tɔɔ la, ya ka tii di kaa lii a gilɛ. Və́ mɛ̨nį ɓo li diɛ, ya ka tii, di kaa kɛi diɛ, di kaa Yálá kwəi mɛ̨nį hukulɔi.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Azaya 22:2

Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Ɉeremi 6:25

Ka hvo kɛ ka káá lii yɛɛ kɔwɔ ta hu, ka hvo ɉon a pələ ta. Mąąhɔlɔɓo, ka yowoɠaa di wɔ kɔlaɠai pɛlɛɛ laa, aa kɛ a mɛ̨nį-o!

Amɔsə 4:6

Ną́mu Yai-Laa yɛ nwɔ̨nɔ̨ diɛ: Bələi mąn ŋį́ pulu too la ka wɔ taaleeɠaai hu, kɔ̨nɔ̨n golo ə too ka yəi bɛlɛnŋąą, pələi mąn ŋį́ gɛ la tii, ka ta hvo giliŋąhiɛ, hvo pənə hvo pa bɔ́.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.