Ɉeremi 13:20 - Yálá laawoo hɛɓɛ (dc)

²⁰ 'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Yálá laawoo hɛɓɛ

²⁰ 'Ə́ nwun mu həɠə, ə́ kɛɛ kaa! Ə́ yowoɠaa kaa həɠəi ɲánwuɔ̨ pələ! Daatɛlɛɛ kpului diɛ ə́ mɛ̨i kaa, gaa mįnɛ̨? Yɛ́ ɓɛlaa lɛlɛɛɠaa kaa mį?

Bible

²⁰ Íŋɛi tɛ́ yá-ŋua-pere í íkpɔara-ƃelai káa pâi. Ǹûai ŋá dítɛ̀ɛ ípɔi dia kɔɔ, ínûai nyíi-ŋai íkɛ yoka têei a dímaa mɛnii?

Ɉeremi 13:20 Referans Kwoze

Ɉeremi 6:22

Yai-Laa woo ka, yɛ diɛ: Nu huwu ta ka ŋɛ̨i həɠəi ɲanwuɔ̨ pələ yɛ pa! Lɔi ta li yii ɉu kɛnɛ̨, aa muhəɠə aa hvilɛn pələ ɓa, yɛ həɠə lɔi kpon ɉeei pələ.

Habakukə 1:6

Kalde nuą nwąnąlɔɔ tii, ɲɛ̨imąąwɛli kaa hvo di hui, gáá pai moi diɛ, di pa. Di kaa lɔi mɛ̨i diɛ tɛɛ, da di ɓɛlaa di wɔ lɔi kaa, di ɉəɠə di yəi.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Ɉeremi 1:14

Yai-Laa ə mɛ̨nįi tii hukulɔ mą́ą́, yɛ mą́ą́: «Ɲanwuɔ̨ pələ ɓə mɛ̨nį ɲąąnwąnąą kaa pai həɠəi la yɛ pa laai nɔi lonnii kəlee diɛ.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 10:22

Ka ka wəli tɔɔ din ŋɛ̨i ɓa; gaa yɛ nu kpulu kɛnɛ̨, di kaa həɠəi ɲanwuɔ̨ pələ, di kaa pai Ɉuda taaɠaa mąą pənəi a pun. Naa ə lɛɛ a góɓəɠaa pɛlɛi.

Ɉeremi 1:15

Gáá pai ɲanwuɔ̨ pələ tɔɔɓɛlaa kəlee təlii, di kaa pai, nu kəlee kaa pai nwɔ tɔɔkpəlin hvilɛn ɉii Ɉerusalɛmə taa bələ nwun na; daa mąąkpɛ hįį tənən ma, da Ɉuda taaɠaa kəlee tənən ma. Ɲą́ą́ Yai-Laa, Nwóó li.

Ɉeremi 25:37

Gala tiliin nɛlɛɛ kɛɛnąąɠaa mɛ̨i a haa, Yai-Laa nwɔ líiholiiɓa.

Hanwon 14:28

Lɔi lonnii kpulu kɛnɛ̨ɛ kaa a tɔɔmun ɲɛ̨i pɔ̨nɔ̨ mɛ̨nį. Kɛlaa, nuą da kpɛɛ nɔi hu, nɔi nąmu toɔ li.