Ɉeremi 13:11 - Yálá laawoo hɛɓɛ (dc)

¹¹ Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Yálá laawoo hɛɓɛ

¹¹ Bələi lɔ nu a hąą yili kɔ́lɔ tɔɔ la nəŋəi, bələ lɔ ɓə ŋį́ Israɛlə nuą da Ɉuda nuą tɔɔ la ɉą́ą́, əgɛ, di kɛ a nu huwui gaa a ɲą́ą́ nwɔ́ɔ́, a náá tɛ hɛn, a ɲɛ̨́i pɔ̨nɔ̨ hɛn, a mą́ą́ yili hɛn. Kɛlaa, ya ka tii, di hvo hvaa li mą tiikpə kpɛli.

Bible

¹¹ Berei kpasa bɛ̂rɛ a kânaŋ la núu lèŋei, bere ƃé ŋá kɛ̀ ŋ̀wɛ̂li a gɛɛ Eezuɛ da Zuda-ƃelai díkanaŋ la ḿâ kpáŋ-kpaŋ. Ŋá gɛ̀ tí a gɛɛ dí kɛ́ a ŋánûa, dí gɛ́ nûa dí ńaa maa tɛ́, díƃâa kɛ́ ḿâ. Kɛ́lɛ, dífe díwoli tɔɔ ní ḿâ.”

Ɉeremi 13:11 Referans Kwoze

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Ɉeremi 32:20

«Ə́ kpalo mɛ̨nįɠaa da mɛ̨nį kpɛa kpɛa kɛ Eziptə lɔi hu, dɔlɔ kaa ni kuɔ, háá ɓa háá, yaa ə́ kpɔɔ laa tɛ Israɛlə lɔi hu, da yɛnɛ̨ɛ̨ nuą lɔwai. Ku ɲɛ̨i ɓa mɛ̨nį li háákələi.

Ɉeremi 13:10

Yaan, di kaa a nu huwu ɲɔ̨nwɔ̨ɔ̨, di hvo gɛi di hvo di wəli tɔɔ nwóó ɓa. Di kanąn ŋąą lɔ di wɔ wəlii kpɔlɔi ɓa. Diɛ li diɛ kwɛli hvilɛn haliɠaa diɛ; diɛ di mąąwiɛ, diɛ pɛlɛ di lííla. Di kaa pai kɛi yɛ bələi tii ɉąą yili kɔ́lɔi tii kaa la; tɔ̨nɔ̨ lɔpee hva kɛ mą.

Ɉeremi 7:26

Kɛlaa, di hvo ta di wəli tɔɔ li nwóó ɓa di hvo mɛ̨n. Di di nwun nwalawala, di wɛi ə ɲɔ̨nwɔ̨ ə tɛɛ di nąnni di wɔ ɓa.

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Azaya 62:12

Di kaa pai kɛi di laa ɓa: «Nu huwu mąąhəɠɛɛ», «Nuąi Yai-Laa aa di nwun mąąɓo», diɛ nwɔ̨nɔ̨ kɛ ə́ laa ɓa: «Nííɓa hɛn», «Daai di hva kɛa di kili kulɔ ɉu.»

Mąątɛ̨nɛ̨ 147:20

Hvo ta lɔi ta lɔpee hon ni tii, dai lɔpee hvo ta nwɔ tíɓoɠaai kɔ́lɔn ni. 'Kánikookwəi!

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Dutɛrɔnome 26:18

Yai-Laa aa háákələi ka həɠə ɉu yɛ ka kɛ a nwɔ nu huwu; yɛ bələi ə mo la kaa. Kaa pɛli lɛɛi nwɔ tíɓoɠaa kəlee pulu.

Dutɛrɔnome 4:7

Yaan, lɔi lə kɛɛ ɓə laa, gɛnɛ̨, yii nwɔ haliɠaa da pɛli lɛɠɛi diɛ ɓɛlɔwai da di təli la, diɛ lɛɠɛ diɛ yɛ bələi Yai-Laa guɔ Yálái a gɛ la?

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Ɉeremi 13:1

Mɛ̨nįi Yai-Laa ə dɔ́ɔ́ la, ya ka; yɛ mą́ą́: 'Lí, ə́ hɛan yili kɔ́lɔ ya, yɛ ɓo a nwalawalaa yɛ mąąlən gɔw, ə́ gɛ a ə́ wɔɔ, ə́ dɔɔ ə́ hąą; kɛlaa hvó nɔ yai.

Ɉeremi 13:12

«'Lí yɛ́ diɛ: Nwooi Yai-Laa Israɛlə nwɔ Yálái kaa moi ya ka: ‹Ɓálá kəlee kaa a lɔɔ pu hɛn.› Da kɛ yɛ́: ‹Akɛti, ku kili hvo mɔ̨ɔ̨ ɉu, kuɔ kɛ ɓálá kəlee kaa a lɔɔ pu hɛn?›

Amɔsə 3:1

'Ka ka wəli tɔɔ Israɛlə nuą, kaa ŋɛ̨i Yai-Laa ə ka kulɔ Eziptə lɔi hu luwɔlaa hu ə pa a kaa, Yai-Laa yɛ:

Dutɛrɔnome 26:19

Nu huwui kpɔ ə bɛli yɛnɛ̨ɛ̨, aa ka həɠə ɉu, gəlee lɔwai, yɛ ka laa tɛ, yɛ ɓaalɔ kaa, yɛ ka kɛnɛ̨, kaa kɛ la a nu huwu mąąhəɠɛɛ, a Yai-Laa ka wɔ Yálá nwɔ nu huwu yɛ bələi ə nwoo kwɛlɛ la.

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»