Ɉeremi 12:10 - Yálá laawoo hɛɓɛ (dc)

¹⁰ Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Yálá laawoo hɛɓɛ

¹⁰ Nɔi ɲąąkɔn nuą kpulu kɛnɛ̨ɛ, daa nwɔ́ viɲə yɛai lɛan, daa ɓɔlɔɔn diliinŋaa mɛ̨i, daa nwɔ́ tíi lɛlɛɛ ŋɛ̨i kɛ a kpomó mąąwɛliɛ.

Bible

¹⁰ Ƃála-mɛi káa-ƃela támaa da ŋá kpɔmɔ ƃá-kpalaŋ su kara. Da ƃɔ́rɔŋ ŋákpâlaŋ ŋá sãai dîa. Da pâi ŋákpâlaŋ ŋá lɛ́lɛɛi kɛ̂i é lɛ́ɛ a bûŋ, kɛ̂i fé ma.

Ɉeremi 12:10 Referans Kwoze

Ɉeremi 23:1

Yai-Laa woo ka, yɛ diɛ: «Kpalo ɓɛlai nwɔ́ taatɛlɛɛ mɛ̨i kaa nuą diɛ, diɛi tii daa nwɔ́ taatɛlɛɛ kpului lɛɛ laa, pulu yɛ di paa, diɛ taɠa taɠa.»

Azaya 63:18

Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Ɉeremi 6:3

Siɔn taa pɔ pələ ɓə taatɛlɛɛ mɛ̨i kaa nuą kaa pai la, da di wɔ taatɛlɛɛ kpuluɠaa; daa di wɔ kələɠaa tɔɔ daa mąątinɛn na. Nu kəlee tɔɔ nwɛi naa yɛ naa mį́i.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

M̀ɛni-lɛɛi 11:2

Kɛlaa, Yálá hee pɛlɛ́ gwəli hąą kɛnɛ̨i tii, nɛɛ laa, 'hvó nąą kɔɔn, mąąhɔlɔɓo, daa nąą kwɛlɛ huwu takpɛliɠaa pɔ, diɛ pa hiɛ daa mąąhəɠɛɛ mɛ̨i, ə lɛɛ ɉu, ɲąnįn bow-nąąn-kɔw-hveelɛ yee mu.

Lukə 21:14

Yili mąą mɛ̨nį ɓa, nąąlɔwai a həli, ka hvo ka liihɛlɛn a woo yii mąąnɛ̨ɛ̨ ka mo.

Ɉeremi 39:3

Babilonə tɔɔmun nwɔ kɔ́kuláá kpɛa kpɛaɠaa di pa di hee gwəli hąą ɓɔlɔ ɓa, Nɛrgalə-Sarɛsɛrə Sin-Magirə mun, Nebu-Sarsekimə yii a dɔɔ kwəlii nuą nwun nąmu, Nɛrgalə-Sarɛsɛrə gɔ́kulááɠaa kəlee nwun nąmu, da gɔ́kuláá takpɛliɠaai tii.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.

Ɉeremi 9:10

Yai-Laa yɛ diɛ: Gáá Ɉerusalɛmə daai lɛɛi a kwɛni hįi, a lɔwɔ huwɔɠaa pɛlɛi, ŋį́ Ɉuda taaɠaa lɛɛ a lɔi pun, Nui lɔpee ta hva lɛɛ daaɠaa tii hu.

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Azaya 3:14

Yai-Laa kaa nwɔ lɔi hu kalanɉonŋąą, da ɲɛ̨itɔwɔ nuą təlii kiti ɓa, yɛ kɛ diɛ: «Káá ɓə, káá tɛ nwɔ́ kələ́i ɓa, ka hvo ɉɔɔ li! Kaa too mąąwɛli nuą mɛ̨i, di wɔ hɛnŋąąi di ɓo ka yəi bɛlɛ́n.

Ɉeremi 25:37

Gala tiliin nɛlɛɛ kɛɛnąąɠaa mɛ̨i a haa, Yai-Laa nwɔ líiholiiɓa.

Ɉeremi 25:38

Di kaa lii yɛ yala kulɔ gwənąn ɉu, yɛ li, di wɔ lɔi aa lɛɛ a lɔi mąąwɛliɛ a kɔ́ kɔ́ ɓɔwaɠaa laa pɔɔ, níiholi kɛnɛ̨ pələ ɓa.

Izikiɛ 34:5

Daatɛlɛɛɠaa daa taɠa taɠa, mąąhɔlɔɓo di laa hɔn mo mun və kɛli mą; ɛlɛɛ, daa lɛɛ a lɔwɔ huwɔɠaa kɔ̨nɔ̨n. Di hu aa taɠa taɠa.