Ɉeremi 11:7 - Yálá laawoo hɛɓɛ (dc)

⁷ Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Yálá laawoo hɛɓɛ

⁷ Ŋą́ mo kpɔ ka nąnni diɛ kpaan, ə həɠə ɲələi ŋį́ di kulɔ la Eziptə lɔi hu, ə həli la háákələi ɓa, ŋį́ kɛi mo diɛ kpɔ a nwą́nąąi, gɛ́ kɛ diɛ: 'Ka ka wəli tɔɔ nwóó ɓa!

Bible

⁷ Kpɛ́ni fêi, tãi ŋá kánâŋ pɔlɔ-ŋai kùla la Izei, ŋá dí lia-woo ƃò gîe mɛi, é tóo sâa ma, ńyɛ̃ɛ dîa ka káwoli tɔ́ɔ ŋ́oo ma.

Ɉeremi 11:7 Referans Kwoze

Kɔlɔnikɔ Veerɛi 36:15

Di nąnni di wɔɔ Yálái Yai-Laa ə di liɛwoo ɓo, gwəi mɛ̨nį hukulɔ nuą laaləi gee mɛ̨i tamąą, mąąhɔlɔɓo, nwɔ nuąi ɲɛ̨imąąwɛli ə kɛ mą, da gbɔwɔ nwɔ pɛlɛ́i.

Ifisiɛŋ 4:17

Yii kani gáá moi káá, gɛ́ wiɛ mą gu Nąmu laa hu, ya ka: 'Ká hvo kɛa yɛnɛ̨ɛ̨ kɛ, yɛ bələi nuąi di hvo Yálá kɔ́lɔn da yɛnɛ̨ɛ̨ kɛ la, a diɛi di wɔɔ kiliŋąhiɛ a di lɔ kpɛli-kpɛli mɛ̨nį hu.

Samuɛlə dɔlɔɔ 8:9

Yii hu, ə́ wəli tɔɔ di woo ɓa, kɛlaa, di kilaa pɔ̨nɔ̨, dɔɔmu tii pai di ɲąąwooɓoi, bələi gaa pai di hon ɉii la, bələ lɛ diɛ.»

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Tɛsalonikə veelɛ 3:12

Yili mąą nuąi tii, mɛ̨nįi ku kaa moi diɛ, kuɔ di liɛwoo kɛ la, gu Nąmu Jesus Kristə hu, ya ɓaa: di kóló kɛ a di kpɔwɔ yee, di di kɔ̨nɔ̨n ɉɔlɔɓo, diɛ mįi.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 25:4

Yai-Laa aa lɛɛ nwɔ tínuą, diɛi a gwəi mɛ̨nį hukulɔ nuą tɔɔi ka pɔ, vįi hvo ta kpɛɛ li, kɛlaa, ka hvo ta ka wəli tɔɔ li di mą, ka hvo Yai-Laa woo mɛ̨n.

Ɉeremi 11:4

Mįnɛ̨i tii ɓaa, yii ŋɛ̨i ŋį́ dɛɛ ka nąnni pɔ, diɛi ŋį́ di kulɔ Eziptə lɔi hu, huluun nwɔ̨n ɉu. Yili ɓa, ka ka wəli tɔɔ nwóó ɓa, kaa bɔ mɛ̨nį kɛ; yili pɔ pələ ɓə ka kɛ la a nwɔ́ nu huwu, ɲą́ą́n gɛ́ ɓo a ka wɔ Yálá.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Dutɛrɔnome 30:20

Ka Yai-Laa ka wɔ Yálái wɛli la kɛ, ka ka wəli tɔɔ nwoo ɓa, ɛlɛɛ, ka kanąn mą. Mąąhɔlɔɓo, nɔi ka Yai-Laa ə gwɛla yɛ kɛ gaa dɛɛi ka kalaɓɔlɔni pɔ: Abrahamə, Isaakə da Ɉakɔbə; bələ ɓə ka yíi nɛ̨ɛ̨ hɔlɔɓo la nɔi tii hu.»

Dutɛrɔnome 8:6

Ka Yai-Laa ka wɔ Yálái nwɔ tɔ́nŋąą hon ka lɛɛ nwɔ pələi mɛ̨i, ka ɲɔw mą.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 4:6

Mąąnɛ̨ɛ̨ ka ka yee kɛ diɛ, ka di pɔ mɛ̨nį kɛ. Yili ɓə a ka kɛ a kilimąą nuą da mɛ̨nį hukpɛ nuą, nuąi pai dɔ́nŋąą tii mɛ̨n ɉii di ɲɛ̨i ɓa, diɛ kɛ diɛ: «Nu kpulu kɛnɛ̨i ŋɛ̨i kaa a nu huwu kilimąą, diɛ ɓo a mɛ̨nį hukpɛ nuą.»

Ɉeremi 25:3

«Ə həɠə Ɉuda tɔɔmun Ɉosiasə Amɔn lon nwɔ tɔɔlaa gwɛlan pow kɔ́w haaɓa yələ ɓa, ə həli la yiihu ɓa, aa kɛ kɛa a kwɛlan pow hveelɛ kɔ́w haaɓa, Yai-Laa a kɛ kpɔlɔɔ mɛ̨nį ɓoi mą́ą́, gɛ́ pa gɛ́ naa həli kaa, vįi hva kpɛɛ, kɛlaa, ka hvo ta ka wəli tɔɔ li nwóó ɓa.

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Ɉeremi 35:14

Nɔɔ tɔ́n Rekavə lon Yonadavə ə dɔɔ nonnii diɛ, di ɉon, di hvo ta mąą kala li, di hvo ta lɔɔ kpələ li, aa lɛɛ ɉu háákələi aa həli; daa lɛɛ di kalaɓɔlɔ woo ɲą. Kɛlaa nwɛ́i, ŋą́ pələ ɓo káá, vįi hvo ta kpɛɛ li; kɛlaa, ka hva mɛ̨n. Ŋą́ túwɔ́ pələ ɓoi kaa, ka hva mɛ̨n.

Zakari 1:4

'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Tɔɔɓɛlaa veelɛ 17:13

Ɛlɛɛ, Yai-Laa aa kɛ mo Israɛlə da Ɉuda diɛ gwəi mɛ̨nį hukulɔ nuą, da nwɔ kwɛlɛɛn gɛɛ kaa nuą laaləi, yɛ diɛ: «Ka ka pulu ka ka yee kulɔ ka wɔ túwɔ́ pələ ɲɔ̨nŋaa ɉu, ka hvilɛn nwɔ́ tiɓoɠaa da nwɔ́ tɔ́n nwooɠaa pulu, yɛ bələi ŋą́ mo la ka nąnni diɛ, gɛ́ gwə́i mɛ̨nį hukulɔ nuą tɛɛ, diɛ ɉukulɔ kaa.»

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 34:14

‹Kwɛlan mɛ̨ihveelɛ tɛɛ pulu, ka kaayɔwɔɠaai a Hebreu, yai aa kɛ gbɔwɔ tɔlaa hee kaa; nu kəlee a mąą nu lɛɛ gbɔwɔ ɓa. A lɛɛ ka yəi tɔlaa laa hu, kwɛlan mɛ̨ida yeemu, yili pulu, ka nɛɛlaa.› Kɛlaa, ka nąnnii di hvo di wəli tɔɔ, di hvo nwoo mɛ̨n.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Osia 5:1

Kaai a ɉaláá laa həli nuą, 'ka ka wəli tɔɔi ə́ wəli tɔɔ a nɛlɛɛ, Israɛlə nwɔ pɛlɛ́i, Kaai a dɔɔ pɛlɛ́ mu nuą, 'ka ka wəli tɔɔ a nɛlɛɛ! Kaa ɓə kiti kaa ka mɛ̨i; mąąhɔlɔɓo, ɓɛ kaa kɛ a hɛlɛn Mispa, da ɓaaləi daa dɛ Tabɔrə yee nwuɔ̨.