Ɉeremi 10:19 - Yálá laawoo hɛɓɛ (dc)

¹⁹ Ə́ kə néé! Lə mɛ̨nį ɲąą nwąnąą ɓəi! Mɛ̨nįi aa gáá, ɉalə hvo mą. Ɲą́ą́i kɛi kɛ diɛ: Mɛ̨nįi ŋɛ̨i naa mą́ą́ hvo walawala li, bɛliɛ mu.

Yálá laawoo hɛɓɛ

¹⁹ Ə́ kə néé! Lə mɛ̨nį ɲąą nwąnąą ɓəi! Mɛ̨nįi aa gáá, ɉalə hvo mą. Ɲą́ą́i kɛi kɛ diɛ: Mɛ̨nįi ŋɛ̨i naa mą́ą́ hvo walawala li, bɛliɛ mu.

Bible

¹⁹ Ǹûai dí mò dîyɛɛi, “Kpalo ƃélaai kûa kúsɛŋ sôli-maai mɛ̂ni ma. Kúpalai fa kpɛ̂ɛ. Kɛ́lɛ kú mò kúkpîŋ ma a gɛɛ kú maa kɔlɔ-fela ká ŋí. Fɛ̂ɛ kú kúyee sée mu.

Ɉeremi 10:19 Referans Kwoze

Mise 7:9

Yai-Laa aa níiholi bɔ́, váái mą, Mąąhɔlɔɓo, ŋą́ą́ nɛ̨ŋɛ̨n ɉəɠə mą. Gaa pai gúlɔi kɛɛ pɔ̨nɔ̨ŋą, ə lɛɛ ɉu ə mą́ą́ mɛ̨nį ɓo, yɛ nwɔ́ tɛ̨ą mɛ̨nį too pɔ̨nɔ̨ŋą. Gɛ́ níí pɔ kɛlɛ nwɔ tələnmo kóloi ɓa.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Mąątɛ̨nɛ̨ 39:9

Gúlɔ gɛ́ nɛ̨ŋɛ̨n gəlee yəi, hvó dóó ɓowoɓɛlaa la.

Woolaa 3:48

Ɲɛ̨́iyá aa gboloon naa nwɔ́ lɔi hu nɛ̨ɛ̨gbɛlaɠaa mąą mɛ̨ni ɓa.

Woolaa 1:2

A yíi lɔ wɔlɔi. Ɲɛ̨iyá hva kpɛɛ ɲɛ̨i. Nwɔ wɛliɠaa lɔwai naapilɛ mun və laa. Mɛlaa kəlee daa mowo, daa kɛ a ɲowoɠaa.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Ɉeremi 8:21

Ɉú kpɔ-kpɔɔ aa yali, nwɔ́ nuą di wɔ mɔ̨nɔ̨ kɛnɛ̨i mąą mɛ̨nį ɓa. Gaa kpinįi, mą́ą́ aa wɛli.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Azaya 8:17

Gáá Yai-Laa mąąkpɔn ɉii, yai aa ɲɛ̨i loo Ɉakɔbə nwɔ pɛlɛ́i ɓa, gílitɔɔi mą.

Mąątɛ̨nɛ̨ 77:10

Yálá aa mɔ̨ɔ̨ lɛ̨ą mɛ̨inɛ̨ɛ̨ kɛɛ ɓa li? Liiholi aa mɔ̨ɔ̨ gɛ, aa gwəi laa kpulu ɓə tii?

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.