Ɉeremi 10:15 - Yálá laawoo hɛɓɛ (dc)

¹⁵ Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Yálá laawoo hɛɓɛ

¹⁵ Ɉɛnŋaa tii kaa a kili kpɛɛ gwəi hɛnŋaa di kaa a yɛlɛ kulɔ ɉu hɛn, di nwun na a pili a Yálá nwɔ kiti tee yələ.

Bible

¹⁵ Kɛ̂i fé dîa. Díkaa nɔ́ a ɣɛ́lɛ-maa sãa. Tãi mɛni-ŋa-teɛɛ a pâi pâi la dímɛni mai, da pâi dí su karâi.

Ɉeremi 10:15 Referans Kwoze

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Azaya 41:24

Kɛlaa kwáá gaa, ka hvo a hɛn da, ka yee hva pɛli mɛ̨nį ta kɛi, nu a ka həɠə ɉu, ɓɛlɛkpɛɛ mąą mɛ̨nį li.

Ɉeremi 51:18

Kili kpɛɛ gwəi hɛnŋąą li, yɛlɛɛ kulɔ ɉu hɛnŋąą li, yələi mąąnɛ̨ɛ̨ di di kwɛlanmo la, da lɛɛ ɉu.

Zakari 13:2

Yai-Laa Mɛ̨nį Kəlee ŋą Hééɓomun, woo ka, yɛ: ɲələi tii, gáá pai hali mɛ̨nį kpɛɛi nɔi hu, nuąi da Yálá kwəi mɛ̨nį hu kulɔ a lɛɛ, ŋį́ di kpɛ, da di wɔ kili ɲɔ̨nwɔ̨ɔ̨i, di hva kɛa da laa ɓo nɔi.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Ɉeremi 8:19

ka bɔ́ lɔi nuą wɔlɔ woo mɛ̨n dai! Di woo kaa tɔɔi nɔi nąą kəlee. Diɛ kɛ mą: «Akɛ tii, Yai-Laa hvó mɔ̨ɔ̨ Siɔn daai? Akɛ tii tɔɔmun hvo kɛa laa ɓəi?» «Lə ɓə kɛ yaai di nwąną lɔ diɛ kwɛli hvilɛn hali ɓa, a gbɛli-kpɛli hɛnŋaa tii həɠə pələ takpɛli.»

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Gɛlaɠaa 14:15

«Kué! Gbɛɛ nuą ɓəi! Lə ɓə ŋɛ̨i ka káá gɛi? Nuą lɔ ɓaa a kuɔ, ku kɛ pələ ə ɓo lɔ yɛ káá! Nwɛlɛɛ lɛlɛɛi ku pa moi káái, ya ɓaa, 'ká ká yee kulɔ mowo mɛ̨nįɠaa ŋɛ̨i hu, ka ká ɲɛ̨i tínɛ̨n Yálá hvulúmąą pɔ pələ, yai yələkɔlɔn, lɔi da gboloyá da di hu hɛnŋąa kəlee pɛli.

Ɉeremi 10:11

Mɛ̨nįi mąąnɛ̨ɛ̨ ka mo diɛ, ya ka, ka kɛ diɛ: Ɲáláɠaa di hvo yələkɔlɔn da lɔi di pɛli, mąąnɛ̨ɛ̨ di həɠə lɔi mɛ̨i; di kulɔ yələkɔlɔn mu.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Ɉeremi 18:15

Kɛlaa yaamun, nwɔ́ nuąi di wɛi, daa lɛ̨ą mą́ą́, diɛ haláá kulɔ ɉɛnŋaai di hvo a hɛn da diɛ. Daa lan di wɔ pələɠaai ɓa, diɛ ɉon a pələ puɔɠaa.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Samuɛlə dɔlɔɔ 5:4

Mąą yələ laaɓoɔ, di di muhəɠə yələ wala piinɛ̨ɛ̨, di Dagɔn kaa nwɔ̨nɔ̨ tooni Yai-Laa nwɔ mįnɛ̨ kəhii lííla. Dagɔn nwun galən da ɲee hveelɛi di yaliɛ mą, di ɓo tooni bɛlɛ́ laaləi, gbinį lɔ ɓə lɛɛ.

Mąątɛ̨nɛ̨ 115:9

Israɛlə lonnii, 'ka ka kilitɔɔ Yai-Laa ɓa. Yaa lɔ ɓə a di mąąkpɔnmąą ɓomun, da di mąąkpɛ kpanąn.

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Ɉeremi 43:12

Gaa pai nwɔ̨n bilii Eziptə yáláɠaa di mąąwiɛ pɛlɛ́ɠaa hu, yɛ ɲáláɠaa tii kələn; a wala kɛ tii, yɛ li a diɛ. Gaa pai Eziptə lɔi mąą hɛnŋaa kulɔi mą, yɛ bələi taatɛlɛɛ mɛ̨i kaamun a kala kulɔ la nwɔ həɠəi hu. Ɛlɛɛ gáá pai pənəi ə li a nwəli pulu laɠiɛ.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.