Ɉeremi 10:1 - Yálá laawoo hɛɓɛ (dc)

¹ Israɛlə nuą, nwooi Yai-Laa kaa moi kaa! Ka ka wəli tɔɔ mą.

Yálá laawoo hɛɓɛ

¹ Israɛlə nuą, nwooi Yai-Laa kaa moi kaa! Ka ka wəli tɔɔ mą.

Bible

¹ Eezuɛ-ƃela, ka káwoli tɔ́ɔ Yâwɛɛ wóo ma.

Ɉeremi 10:1 Referans Kwoze

M̀ɛni-lɛɛi 2:29

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ.»

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Amɔsə 7:16

Yili ɓa, Amasia, ə́ wəli tɔɔ, yii Yai-Laa kaa moi ə́ mɛ̨n, yɛ́i ŋɛ̨i kɛi diɛ: ‹Və́ kɛa Yálá mąą mɛ̨nį laa həli Israɛlə nu huwu diɛ, ɛlɛɛ, yɛ́ kɛ mą: Və́ haŋą Isaakə huwuhu nuą diɛ.› Yii Yai-Laa kaa moi ə́ mąą mɛ̨nį hu, ya ka;

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Ɉeremi 42:15

ka gɛ tii, kaa ŋɛ̨i kaa lɛɛ a Ɉuda lɔi hu nuą gbəli, ka ka wəli tɔɔ Yai-Laa woo ɓa; Yai-Laa Mɛ̨nį Kəlee ŋą Hééɓomun, Israɛlə nwɔ Yálái woo ka: 'Ka Eziptə pələ hon, kaa li laa, ka ka mąą kilɛ laa.

Ɉeremi 22:2

Yɛ́ diɛ: ‹Ɉuda tɔɔmun, yɛ́i heeni Davidə nwɔ tɔɔkpəlin hu, yɛ́ ká ə́ wɔɔ tínuą, da nuą kpɔ da lɔ dɔɔ pɛlɛ́ mu.›

Ɉeremi 2:4

Kaai ɓaa Ɉakɔbə huwu, ka ka wəli tɔɔ Yai-Laa woo ɓa! Kaai ɓaa Israɛlə nu huwu.

Azaya 28:14

Ka ka wəli tɔɔ Yai-Laa woo ɓa, kaai ɓaa a yɛlɛ mąą kɛ nuą, kaai nu huwui ŋɛ̨i ɲąąwooɓoi Ɉerusalɛmə.

Azaya 1:10

Sodomə nu kpɛa-kpɛa, ka ka wəli tɔɔ Yai-Laa woo ɓa! Gomorə nuą ka ku wɔ Yálái nwɔ liɛwoo mɛ̨n! Yɛ diɛ:

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Ɉeremi 10:2

Yai-Laa yɛ diɛ: «Ka hvo ka hiɛ pələ kɔ́ɔn lɔi takpɛliɠaa di wɛi ɓa! Ka hvo ka kpɔɔ ɓowo a yələ kwəi hɛnŋaa. Lɔi takpɛliɠaa ɓə da di kpɔɔ ɓowɔ a yiliɠaa.

Azaya 40:18

Ka pɛli Yálá kɔ́ɔn ɉi gbɛɛ ɓa, gulɔ mąą hɛn nɛlɛ ɓə ka pɛli dɔɔi gwɛlɛ?

Azaya 44:6

Israɛlə nwɔ Mɛ̨nį Kəlee ŋą Hééɓomun Yai-Laa, woo ka, yai a Israɛlə nwun mąąɓomun, Yai-Laa, huwalawala kəlee Nąmu, yɛ diɛ: ɲą́ą́ ɓə a dɔlɔɔ, ɲą́ą́ ɓə a ɲąąkpɛɛi, ə kulɔ ɲą́ą́ búlu, yálá takpɛli hvo laa.