Ɉaan 9:7 - Yálá laawoo hɛɓɛ (dc)

⁷ Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Yálá laawoo hɛɓɛ

⁷ Yɛ mą: «'Li, ə́ ə́ waa Siloe bówa hu.» Siloe mukulaa ɓaa: «Di dɔɔ.» Ɲɛ̨ipumun tii ə li ə nwaa, gɛɛ pənəi yɛ pa, ɲɛ̨i hvolonŋąą.

Bible

⁷ E mò ma, ǹyɛɛi, “Lí í íŋɛi waa Saloaŋ-poai su” (nyii zu-kulâi ƃa Dí Dɛ̀ɛi). Nya ƃe e lì e ŋ̀ɛi wáa e pa pôlu, gɛ nâa kwaa kaa.

Ɉaan 9:7 Referans Kwoze

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Ɉaan 11:37

Nu taɠa di kɛi mo di kee lɔwai diɛ kɛ mą: «Nui ŋɛ̨i ɲɛ̨ipumun ɲɛ̨i hvoloon, hva pɛli kɛ gɛ pələ kwɛli mą, ə ə gɛ, haa hvo həli nui ŋɛ̨i ɓa?»

Ɉaan 9:11

Ə di woo pulu pənə yɛ diɛ: «Ɉulɔnui ŋɛ̨i da kɛ naa ɓa Jesus, ya ɓə palaya hiɛ ɲɛ̨́i, yɛ mą́ą́: ‹'Li Siloe bówa hu ə́ ə́ waa.› Ɲą́ą́n ŋą́ li, ŋį́ nwáá, ɲɛ̨́i ə hvoloon, gɛ́ kɛɛ kaa.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Azaya 8:6

Yii nuąi ɲɛ̨́i kaa lənəi Siloe yai a tɛɛ ɲąą mą, ɛlɛɛ di kwəi nɛ̨́ɛ̨́ mɛ̨nį ə ɓo a Resin mɛ̨nį da Remaliahu lon mąą mɛ̨nį.

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Lukə 13:4

«A wala kɛ tii, gaa ka kwəi nu pow kɔ́w mɛ̨ihaaɓai ŋɛ̨i Siloe hįį ə pu di mɛ̨i, di hɔn mə kɛ ɲɔ̨nwɔ̨ɔ̨i dɛɛ Ɉerusalɛmə nuą kəlee diɛ?

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Nehemi 3:15

Ɲa nwun gulɔi pələ, Kɔlə-Hoze lon Salumə ŋɛ̨i kɛ a Mispa nwun nąmu, ya ɓə nąą koló kɛ. Ə dɔɔ, ə mɛ̨i kɛ, ə gbonŋąą too, ə gwɛliɠaa laa bulu da naa kpulu kwɛliɠaa. Ə pənə ə daa mąąkpɛ hįį pɛli, ə həɠə ɲálɔwa kɛnɛ̨ ɓa, tɔɔmun nwɔ nɔw yɛai kwɛlɛ, ə həli la Davidə taa pələ ɓa.

Lɛɛ gbɔwɔ ɓa 4:11

Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Azaya 43:8

Nu huwui tii ɲɛ̨i kɔ́w kaa mą, kɛlaa ɲɛ̨i hva kɛɛ kaa, nu kan tii nwəli kaa mą, kɛlaa hva mɛ̨nį mɛ̨n, 'pa a gəlee.»

Azaya 32:3

Gɛɛ kaa nuą ɲɛ̨i la hva kɛa kpulu, mɛ̨nį mɛ̨n nuą wəli a kɛ a dɔɔ a nɛlɛɛ.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.