Ɉaan 9:5 - Yálá laawoo hɛɓɛ (dc)

⁵ Yii kpɔ gáá ni ɓɛ yɛnɛ̨ɛ̨, yɛnɛ̨ɛ̨ nwɔ kɛɛ pono.»

Yálá laawoo hɛɓɛ

⁵ Yii kpɔ gáá ni ɓɛ yɛnɛ̨ɛ̨, yɛnɛ̨ɛ̨ nwɔ kɛɛ pono.»

Bible

⁵ Tãi nɔ ǹyaŋ ŋ́gaa ǹɔii sui ŋ́gaa a ǹɔii ŋɔkwaa-ponoɔi.”

Ɉaan 9:5 Referans Kwoze

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Ɉaan 12:46

Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Gɛlaɠaa 13:47

Ɛlɛɛ yaan, mɛ̨nįi kpɔ gu Ną́mu Yálá ə ku tí la, yaa li yɛ kɛ diɛ: «‹Ŋą́ą́ ə́ hee a huwu takpɛliɠaa di wɔ kɛɛpono yɛ́, ɲɛ̨nɛ̨ɛ̨i kpɛɛ hvo mą laa həli kpɔ lɔi kpon ɉeei.›»

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Maafîu 4:16

Nu huwuɠaai tii di kaa hiɛi kpinį hu, daa kɛɛpono kɛnɛ̨ɛ̨ kaa. Diɛi tii di kaa haa nįnįn mu, kɛɛpono kɛnɛ̨ɛ̨ aa kulɔ di mɛ̨i.»

Gɛlaɠaa 26:23

Di mo diɛ: Nwun mąąɓomun Yálá ə naakwɛlanmo, gaa pai mɔ̨nɔ̨ mįi, ə haa, ə nwun, ə kɛ a nu tɔlɔɔ yɛ kulɔ haaɓɛlaa lɔwai, ya ɓə pai kɛɛ pono laa həlii nɔi lonnii da huwu takpɛliɠaa diɛ.»

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Maafîu 5:14

«Ka káá a yɛnɛ̨ɛ̨ kɛɛpono. Taa yii gaa tɔɔni yee tona, hva loo.