Ɉaan 9:4 - Yálá laawoo hɛɓɛ (dc)

⁴ Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Yálá laawoo hɛɓɛ

⁴ Yii kɛɛ ponoɔ̨ ni, nui ŋɛ̨i dɔ́ɔ́, hvo kɛli gu yee ə kɛ nwɔ kolóɠaai diɛ. Kpini kaa pai pɛlɛi, nu ta hva pɛli kólo kɛi.

Bible

⁴ Fɛ́ɛ ku ǹúui ŋɔtíi kɛ́ nyii ńdɛ̀ɛi tãi voloi káa niî ɣele ma. Gbínii káa pâi, tãi núu da kélee fa pɔ̂ri tíi kɛ́i.

Ɉaan 9:4 Referans Kwoze

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ifisiɛŋ 5:16

diɛi, da yiihu yɛnɛ̨ɛ̨ ŋɛ̨i dɔlɔ hɔlɔɓo, mąąhɔlɔɓo hvóló ɲɔ̨nwɔ̨ɔ̨ɠaa kaa hɔɔi gu mɛ̨i

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Ɉaan 17:4

Ŋą́ą́ Ə́ mąąwiɛ yɛnɛ̨ɛ̨ nuą ɲɛ̨i ɓa, gólói Ə́ dóó mą ŋą́ą́ gɛ.

Kolosə 4:5

Nuąi di hvo a Kristalɛa, 'ká túwɔ́ pələ ə kɛ a nɛlɛɛ di ɲɛ̨i ɓa. Yíikuu kpuɔlon ká yəi, 'ká ɉon a nɛlɛɛ.

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Ɉaan 10:37

Akɛ ŋą wala ną́n Yálá kɛ kólo kɛ, ka hvo laa ná.

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 7:33

Jesus yɛ diɛ: «Gu kaani wolo ɓo ɓɛ, gɛ́ kɛa pa lii nui dɔ́ɔ́ bɔ.

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Markə 3:3

Ɉulɔnu tii kɛ ɲee kpalaa ma Jesus ə mo mą, yɛ mą: «Ə muhəɠə ə́ tɔɔ ɓɛi ŋɛ̨i, nu kəlee ɲɛ̨i ɓa.»