Ɉaan 9:30 - Yálá laawoo hɛɓɛ (dc)

³⁰ Ɉulɔnui yɛ diɛ: «Gwəi pili mąą mɛ̨nį gaa ɉu ya ɓaa: ka hvo ɉəɠəi kɔ́lɔn, kɛlaa, aa ɲɛ̨́i hvolon.

Yálá laawoo hɛɓɛ

³⁰ Ɉulɔnui yɛ diɛ: «Gwəi pili mąą mɛ̨nį gaa ɉu ya ɓaa: ka hvo ɉəɠəi kɔ́lɔn, kɛlaa, aa ɲɛ̨́i hvolon.

Bible

³⁰ Nalôŋ e zu tòo, ǹyɛɛi, “Gɛ̀ ní lá-kpala maa-mɛni ká ŋi! Káfe ƃɛi kɔ́lɔŋ a kulâi naai, kɛ́lɛ, ǹyaa ƃe ŋ́ɛi lá fùloŋ.

Ɉaan 9:30 Referans Kwoze

Ɉaan 12:37

Bələi mąn Jesus ə kpalo mɛ̨nį tamąą kɛ la di ɲɛ̨i ɓa, di hvo laa na.

Ɉaan 3:10

Jesus ə nwoo pulu pənə yɛ mą: «Israɛlə lɔi hu ɓɛ, yɛ́ ɓə a mąąkwɛli kɛmun kɛnɛ̨, ya ɓə hvo yili kpaɠala kɔ́lɔn?

Azaya 29:18

Mąą yələi tii, wəli wolo nuą kaa pai ɉɛɓɛ́ hu woo mɛ̨n ɉii, ɛlɛɛ, diɛ kulɔ kpinįi; ɲɛ̨ipunuą kaa pai kɛɛ kaai.

Azaya 29:14

Yili ɓə gaa mą, gáá kpɔlɔ pai kɛi di kwəi pilii diɛ, a mɛ̨nįɠaai gáá pai kɛi gɛi di lɔwai, yɛ kilimąą nuą kiliŋą pɛlɛ, yɛ mɛ̨nį kɔ́lɔn nuą di wɔ mɛ̨nį kɔ́lɔnŋąą pili di yəi.

Mąątɛ̨nɛ̨ 119:18

Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Lukə 7:22

Yili pulu, Jesus ə mo Ɉaan nwɔ kalan nɛa tii diɛ, yɛ diɛ: «Ka li, yiiɠaai kpɔ kaa gaa, ə lɛɛ, kaa mɛ̨n, ka li ka gəlee hukulɔ Ɉaan ɓa, kaa mą: ‹Ɲɛ̨ipu nuą kaa kɛɛ kaai, kɔ́wɔ nwąną nuą diɛ hiɛ, hvólóɲɔ̨n gɛ nuą kɔ́lɔi aa pono di mąą aa həɠə, wəli tini nuą diɛ mɛ̨nį mɛ̨n, haaɓɛlaa diɛ di muhəɠə, wɛlɛɛ lɛlɛɛ laa aa həli yeehvowolo nuą diɛ.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Azaya 35:5

Nąąlɔwai, ɲɛ̨ipu nuą kaa pai kɛi kɛɛ kaai, wəli wolo nuą, wəli diɛ mɛ̨nį mɛ̨n.

Markə 6:6

Nazarɛtə nuą di wɔ wəli walawala laa ə gwəi pili mą. Yili pulu, Jesus ə li di kwɛlɛ taaɠaa hu yɛ kalan gɛ.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.