Ɉaan 9:22 - Yálá laawoo hɛɓɛ (dc)

²² Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Yálá laawoo hɛɓɛ

²² Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Bible

²² Ŋɔkáa-ƃelai dí nyiŋi ƃò. Kpɛ́ni fêi, dí kɛ̀ yáôi Zûu-ŋai dîa. Kpɛ́ni fêi, Zûu-ŋai da nâa fáa ma a gɛɛ núu da a mò a gɛɛ Zîsɛ káa a Kôrai, da pâi gulâi Ŋ̀âla-fɛli-kerei mu.

Ɉaan 9:22 Referans Kwoze

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 7:13

Kɛlaa, nu ta lɔpee hvo kɛi Jesus mąą mɛ̨nį ɓo a pono ŋą, mąąhɔlɔɓo, di kɛi ɲɔ̨w Ɉuifəɠaa diɛ.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Gɛlaɠaa 5:40

Di gɛlaɠaa təli, di di kɛlɛ a galakpa, di tɔn dɔɔ diɛ, diɛ di hvo Jesus laa ɓo. Di ɓo diɛ.

Gɛlaɠaa 5:13

Kɛlaa, nui lɔpee ta hvo lii hvo kɛli kpələ hvo too di pɔ, bələi mąn di kɛli di mąątɛ̨nɛ̨ la.

Gɛlaɠaa 4:18

Yili pulu, di Piɛrə da Ɉaan di təli, tɔn dɔɔ diɛ a nwalawalaa diɛ mą: 'Ká hvo kɛa Jesus laa ɓo, 'ká hvo kɛa nuą mąąkwɛli naa hu.

Ɉaan 20:19

Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Ɉaan 19:38

Mɛ̨nįɠaa tii kəlee tɛɛ pulu, Ɉosɛfə Arimate mun, ə kɛ a Jesus nwɔ kalan non ta loo hu, mąąhɔlɔɓo, ə kɛi ɲɔ̨w Ɉuifə nwun nąmįną diɛ ya ɓə li, ə Jesus powa hu hvɛli Pilatə ɓa. Pilatə ə hvaa mą. Ɉosɛfə ə li, ə bowa kulɔ nwulu ɓa.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Azaya 51:12

Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 9:18

Da wala kɛ gaa nuą mąąnikɛ, di hvo li kɛ laa na, diɛ kɛ ɲɛ̨ipuɔi kɛ.

Ɉaan 9:21

Kɛlaa, pələi ə tɛɛ la ɲɛ̨i yɛ hvolon, ku hvo yili kpaɠala kɔ́lɔn, ə lɛɛ, nui ɲɛ̨i hvolon ku hvo gɔlɔn. Gaa kɛa a nu kɛnɛ̨, a pɛli nwoo hukulɔi, ka mąąnikɛ, ya ka ŋɛ̨i heeni.»

Ɉaan 9:35

Jesus ə bələ mɛ̨n, diɛ daa ɲɛ̨ipumun tii kpɛ. Da Jesus kwiɛn, ə mąąnikɛ, yɛ mą: «Ə laai Nu Lon na?»