Ɉaan 8:54 - Yálá laawoo hɛɓɛ (dc)

⁵⁴ Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Yálá laawoo hɛɓɛ

⁵⁴ Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Bible

⁵⁴ Zîsɛ e mò, ǹyɛɛi, “À kɛ̀ ŋà ŋ́gbîŋ ŋáƃaa-kɛ-maai tɛ̀, gɛ̀ ní sɛŋ da fé ŋáƃaa-kɛ-maai su. Ńâŋ ƃé a ŋáƃaa-kɛ-maai tɛ̀, nyii ǹyaŋ ka môi a gɛɛ gáa a Káɣâlai.

Ɉaan 8:54 Referans Kwoze

Ɉaan 8:50

Və́ pa li gbɔ́wɔ́ nwɔ mąąwiɛ kwɛli. Nu ta kaa laa yɛ pa nwɔ́ mąąwiɛ tɛɛi, ya ɓə pai dɛ̨ą ɓoi.

Hanwon 25:27

Kwɛ̨n nwulɔ kɔ̨mɔ̨ɔ̨ dɛɛ ɲɛn ɉu, hvo lɛlɛ li. Ɓɛlɛ mɛ̨nį hvaa, nu ɓɛlɛmąą yɛ gbɔwɔ ɓɛlɛ kwɛli.

Piɛrə veelɛ 1:17

Ɓɛlɔwai ə kɛi kɛnɛ̨ laa da mąąwiɛ hɔlɔɓo la Ną́n Yálá yəi, ku kɛ laa. Yálá kpinįi ɓə mo yɛ kɛ mą: «Nui ŋɛ̨i kaa a Nón ɉulɔnu, yii nwɛli kaa mą́ą́. Yaa ɓə ŋą́ą́ mą́ą́ mɛ̨nįɠaa kəlee lɛɛ ma.»

Korɛntə veelɛ 10:18

Nui a gbɔwɔ mąą liɛwoo kɛ, yɛ gbɔwɔ mąątɛ̨nɛ̨, yaa hvəə dɔlɔ ka mą, kɛlaa, nui gu Nąmu a mąą liɛwoo kɛ, a mąątɛ̨nɛ̨ pələ.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Ɉaan 17:1

Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Ɉaan 8:41

Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Osia 1:9

Yai-Laa yɛ mą: «Naa hee a Lo-Ami, mąąhɔlɔɓo, nwɔ́ nu huwu hvaa a kaa, ɛlɛɛ, və́ kɛa a ka wɔ Yálá.»

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.