Ɉaan 8:41 - Yálá laawoo hɛɓɛ (dc)

⁴¹ Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Yálá laawoo hɛɓɛ

⁴¹ Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Bible

⁴¹ Kákaa mɛnii kɛ̂i kánâŋ e gɛ̀i.” Dí mò ma, dîyɛɛi, “Dífe kúmaa sɔlɔ ƃo ni goyaŋ-wulu-wulu kɛ́ɛ su; Kúnâŋ káa tɔnɔɔ, Ɣâla ǹyaŋ kpîŋ.”

Ɉaan 8:41 Referans Kwoze

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Ɉaan 8:38

Yii ŋą́ mɛ̨n Ną́n na, ya ɓə gáá moi kaa, Yii kaa kpɛli ka mɛ̨n ka nąn na, ya ɓə ka káá gɛi.»

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Malasi 2:11

Ɉuda nu huwu aa nwɔ liɛwooi lɛɛ, daa túwɔ́ pələ ɲɔ̨n gɛnɛ̨ kɛ Ɉerusalɛmə daai, ə mą kɛ, Israɛlə lɔi hu nąą kəlee. Yaan, kɛɛnąąi kɛ a Yálá nwɔ nąą, mąą mɛ̨nį nwąnąą Yálá ɓa, daa mɛlɛkpɛɛ mą. Hvo lɛɛ a yili, daa nɛ̨ąą həɠə, yiiɠaai da kwɛli hvilɛn haliɠaa diɛ.

Malasi 1:6

Ɲą́ą́ Yai-Laa Mɛ̨nį Kəlee ŋą Hééɓomun, mɛ̨nįi gáá moi ɉaláá laa həli nuą diɛ, ya ka, gɛ́ diɛ: «Lon a nąn mąąwiɛ, luwɔ yɛ nąmu mąąwiɛ. Akɛtii, ɲą́ą́, və́ mɔ̨ɔ̨ a ka nąn, da ka Nąmu? Gɛ pələ kaa ləi, yai, ka hva mą́ą́wiɛ? Ka kɛ mɛ́lɛkpɛɛi mą́ą́, kaa kɛ mą: ‹Lə mɛ̨nį ɓə ku ɓɛlɛkpɛɛ yɛ́ ɉu?›

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Dutɛrɔnome 14:1

Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Zɔ̂ŋ Maa-ŋuŋ 3:12

Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.