Ɉaan 8:34 - Yálá laawoo hɛɓɛ (dc)

³⁴ Jesus yɛ diɛ: «A tɛ̨ą kpɔ-kpɔ gáá moi kaa, nɛ̨ŋɛ̨n ɉəɠəi, gaa, a nɛ̨ŋɛ̨n nwɔ luwɔ.

Yálá laawoo hɛɓɛ

³⁴ Jesus yɛ diɛ: «A tɛ̨ą kpɔ-kpɔ gáá moi kaa, nɛ̨ŋɛ̨n ɉəɠəi, gaa, a nɛ̨ŋɛ̨n nwɔ luwɔ.

Bible

³⁴ Zîsɛ e díwoo su tòo, ǹyɛɛi, “Tɔ̃yâ kpîŋ, ŋá m̀ó kâa, núu nyii kélee a sɔnyɔ̂ŋ kɛ̀i, gáa a sɔnyɔ̂ŋ ŋɔluɛ.

Ɉaan 8:34 Referans Kwoze

Lomaŋ 6:16

Ka hvo gɔlɔn kaa diɛ akɛ ya kɛi tiɓo kɛ nu ɓa ə gɛ ə́ nwoo hon, ə́ kaa ɲəi yɛ luwɔ. Yili ɓaa yɛ: Nɛŋɛ̨n yii a nu lɔ haa hu, a wala kɛti, Yálá woo honŋąa yɛnɛ̨ɛ̨ kpɛɛ hvo mą a nu lɔ tələnmo laa hu.

Piɛrə veelɛ 2:19

Nɛɛ kalan gɛ nuą ti, da lɛɛgbɔɔɓa laa mįnɛ̨ həɠə diɛ. A pa, diɛi ti di kaa a luwɔ pɔlɔ, yii gaa pai di paai. Mąąhɔlɔɓo, hɛn yii ɲee tɛɛ nu ɓa, ə kaa yəi luwɔlaa hu.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Lomaŋ 6:12

Mąą hvo nɛ̨ɛ̨li nɛ̨ŋɛ̨n və kɛa tɔɔlaa kɛ ka mɛ̨i pələi mɛ̨n ka káá pai haai la, ə gɛ, ka hvo pa hvilɛn kɔ́lɔ liiɓa pulu kaa gɛ.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Lomaŋ 7:25

Mąąwiɛ ə kɛ Yálá ɓa gu Ną́mu Jesus Kristə laa hu, mąąhɔlɔɓo, Yálá ɓə a pɛli mą. Ŋɔ́ kiliŋąhiɛ lɛlɛɛ hu pələ, ŋą́ą́ kɛ kɛa a Yálá nwɔ tɔ́n nwɔ timun, kɛlaa, nwɔ́ nu hvii kpɛɛ laa hu, gáá a nɛ̨ŋɛ̨n nwɔ tɔ́n nwɔ timun.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Lomaŋ 8:21

Mąąhɔlɔɓo, di nwun mąą kaa pai ɓoi, di kulɔ di naa nɔ̨nwɔ̨ɓomun ɲəi, ə gɛ, lɛɛ gbɔwɔlaa da mąąwiɛlaai Yálá lonnii kaa pai ɉɔlɔɓoi, di di nwɔ nąą hɔlɔɓo ɉu.

Lomaŋ 7:14

Gu gɔlɔn gbɔ a tɛ̨ą guɔ diɛ: Tɔ́n gaa a nįį hu mɛ̨nį. Kɛlaa, ɲą́ą́ gáá nu kɔ́lɔ hu, daa nɔ́wɔtɔɔ yɛ luwɔ nɛ̨ŋɛ̨n ma.

Gɛlaɠaa 8:23

Mąąhɔlɔɓo, ŋą́ą́ gaa, liikələn gwəi kaa yɛ́, ə́ ɓo kiliŋąhiɛ ɲɔ̨nwɔ̨ɔ̨ ŋą gaho ŋą.»

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.