Ɉaan 8:28 - Yálá laawoo hɛɓɛ (dc)

²⁸ Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Yálá laawoo hɛɓɛ

²⁸ Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Bible

²⁸ Nya ƃe Zîsɛ e mò, ǹyɛɛi, “Tãi ka pâi núu-kpune Ǹóŋ tɛ̂i la ɣelei, gɛ̀ ní ka pâi gɔ́lɔnîi a gɛɛ ńyãa ƃa ǹyaa. A gɛɛ ǹyaŋ fá mɛni da kélee kɛ̀ a ŋ́gbɔɔi-wala-wala. Kɛ́lɛ, ŋa nyii ƃò Ńâŋ e nɛ̀ mai.

Ɉaan 8:28 Referans Kwoze

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 3:14

Pələi tii Moisə ə kaalə pɛli la a ɓala kwɛli, ə ɉɛlɛn wulu ɓa ɲɛa lɔi hui, hvo kɛ li lɔ di Nu Lon gɛ tii.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Ɉaan 19:18

Nąą ɓə di gbanwo laa kolɔwa ɓa, da mɛ̨nį ɲɔ̨n gɛ nuą hveelɛ, dɔ̨nɔ̨ ə ɓo ɲee yiihu, dɔ̨nɔ̨ ə ɓo ɲee yiihu.

Ɉaan 16:10

Yii hvilɛn na tələnmo mɛ̨nį ɓa, gáá lii Ną́n pɔ, ka hvo kɛa pai gáái.

Ɉaan 11:42

Nwɛ́i, ŋį́ gɔlɔn gbɔ gɛ́ diɛ ya nwóó mɛ̨n a hvoló kəlee. Kɛlaa gáá ə́ hvɛli nu kpului ŋɛ̨i ɓɛ mąą mɛ̨nį ɓa, ə gɛ, di laa na diɛ ya ɓə dɛɛ.»

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Ɉaan 3:11

Gáá moi ya a tɛ̨ą, yii ku gbaɠala kɔ́lɔn, ya ɓə kwa mąą mɛ̨nį ɓo, mɛ̨nį yii ku gaa, ya ɓə kwa mąą kɛla hvaa ɓo. Kɛlaa, mɛ̨nį kwa mo kaa, ka hva ka yee hee mu.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

Maafîu 24:5

Mąąhɔlɔɓo, nu tamąą kaa pai pai náá hu diɛ kɛ mą: ‹Ɲą́ą́ ɓə gaa a Nwun mąąɓomun Yálá ə naakwɛlanmo.› Di kaa pai kɛi nu tamąą ɓowo, diɛ di nwun ɉu lan.

Markə 13:6

Nu tamąą kaa pai pai ɲą́ą́ náá hu, diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́.› Di ka pai nu tamąą ɓowoi.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Ɉaan 4:26

Jesus ə nwoo pulu pənə yɛ mą: «Ɲą́ą́ ŋɛ̨i mɛ̨nį ɓoi yɛ́, ŋą́ą́ ɓə.»

Ɉaan 8:27

Nuą tii di hvo gbaɠala kaa akɛ: Nąn Yálá ka tii ə kɛi mąą mɛ̨nį ɓo diɛ.

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Ɉaan 13:19

Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Ɉaan 18:32

Nwooi ŋɛ̨i Jesus ə mo yɛ hvilɛn na ɉaa mɛ̨nį ɓa, ə gɛ, bɔ mɛ̨nį ə kɛ.