Ɉaan 8:24 - Yálá laawoo hɛɓɛ (dc)

²⁴ Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Yálá laawoo hɛɓɛ

²⁴ Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Bible

²⁴ Ŋá mò káa a gɛɛ ka pâi saâi kásɔnyɔ̂ŋ su. Kpɛ́ni fêi, ka pâi saâi kásɔnyɔ̂ŋ su, fɛ̂ɛ ka laa la a gɛɛ ńyãa ƃa ǹyaa.”

Ɉaan 8:24 Referans Kwoze

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 3:18

Nui a laa Yálá lon na, kiti hvo mąą nu ɓa, kɛlaa, nui a wala laa na, mąą nu kiti tɛɛi kɛa. Mąąhɔlɔɓo, hvo kɛ laa li Yálá Lon tɔ̨nɔ̨ gbən na.

Markə 16:16

Nui a laa na, da mąąwaa, nwun mąą a ɓo. Nui a wala laa na, nwun na a pili.

Hebreu 12:25

Ká gɛ a nɛlɛɛ, ká hvo ká wəli walawala nui ká təli nwoo tɔwɔ! Mąąhɔlɔɓo, akɛ, nuąi di wəli walawala di kilaa ponomun nwoo tɔwɔ ɓɛ lɔi mɛ̨i, di hvo kulɔ li nwun napili hui, gu hvomun kɛ guɔ kpɛlimąn, gu hva pɛli kulɔi nwun napili tɔ̨nɔ̨i ti hu, akɛ, nui yələi pələ, yɛ pələ ɓo guɔ, gwa gu pulu tɔɔ mą.

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Ɉaan 13:19

Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Ɉaan 4:26

Jesus ə nwoo pulu pənə yɛ mą: «Ɲą́ą́ ŋɛ̨i mɛ̨nį ɓoi yɛ́, ŋą́ą́ ɓə.»

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Ɉaan 8:21

Jesus ə mo nwɔ̨nɔ̨ diɛ, yɛ diɛ: «Gáá lii, ka káá pai gwɛ́lii, kɛlaa, ka káá pai haai ka kɛ nɛ̨ŋɛ̨n ɉu. Ɓɛi gáá lii laa, ka hva pɛli lii laa.»

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Markə 13:6

Nu tamąą kaa pai pai ɲą́ą́ náá hu, diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́.› Di ka pai nu tamąą ɓowoi.

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Lɛɛ gbɔwɔ ɓa 3:14

Yálá yɛ Moisə ɓa: «Náá ɓaa a: ‹Yai Gaa Lɔ A Yaa›, yá li, yá kɛ diɛ, nui ŋɛ̨i naa ɓa a: ‹ƝĄ́Ą́ LƆ, ya ɓə dɔ́ɔ́ ka pɔ.›»

Maafîu 24:5

Mąąhɔlɔɓo, nu tamąą kaa pai pai náá hu diɛ kɛ mą: ‹Ɲą́ą́ ɓə gaa a Nwun mąąɓomun Yálá ə naakwɛlanmo.› Di kaa pai kɛi nu tamąą ɓowo, diɛ di nwun ɉu lan.

Ɉaan 8:25

Diɛ Jesus ɓa: «Gbɛɛ ɓaa a yɛ́?» Jesus ə di woo pulu pənə yɛ diɛ: «Yii kpɔ tii ŋą́ mo kaa tɔlɔɔ, ya ɓə gáá la.

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»