Ɉaan 8:20 - Yálá laawoo hɛɓɛ (dc)

²⁰ Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Yálá laawoo hɛɓɛ

²⁰ Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Bible

²⁰ E ŋ̀óo-ŋai ŋi ƃò zɛŋ-kao laai-kɛ-kwaai ma, gɛ́ɛ Ɣâla mɛni lɛ̂i Ŋ̀âla-pɛrɛ Kɛ́tɛi mu; kɛ́lɛ, núu da fe zoŋ ni, kpɛ́ni fêi, ŋɔtãi fe niî kɛ̀ seri ni.

Ɉaan 8:20 Referans Kwoze

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Ɉaan 7:8

'Ka li ka wɛi ka ɉɛli pu, kɛlaa nwɛ́i, və́ lii, mąąhɔlɔɓo, nwɔ́ yələ hvo nii həli li.»

Markə 12:41

Ɓɛlɔwai Jesus ə kɛ la Yálá hee pɛlɛ́ mu, ə hee Yálá kɔ́ hɛɲąŋa kwɛlɛ, pələi nuą di kɛi Yálá kɔ́i la, yɛ nąą kaa. Hɛn gɔw nąmįną tamąą di kɛi wali kpɛa-kpɛaɠaa too laa.

Ɉaan 7:44

Nu taɠaa di kɛ bɔ di ɉon, kɛlaa, nu ta hvo ɲee pɛlɛ mą.

Markə 12:43

Jesus ə nwɔ kalan nɛai təli ə mo diɛ, yɛ diɛ: «Gáá tɛ̨ą ɓoi kaa, galanini ŋɛ̨i aa wali kɛnɛ̨ too gbɔlɔ hu aa tɛɛ nu kəlee ɓa.

Maafîu 27:6

Ɉaláá laa həli nuą kpɛa-kpɛa nwun nąmįną di nwali yɛɠɛ, diɛ diɛ: «Guɔ tɔ́n yɛ nwali huwu yii mąą hvo nɛ̨ɛ̨li guɔ Yálá kɔ́ hɛn gɔw hu. Mąąhɔlɔɓo, ɲąmą hɛn gɔw li.»

Ɉaan 10:39

Di kɛ nwɔ̨nɔ̨ bɔ di ɉon, kɛlaa, ə kulɔ di yei.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Lukə 20:19

Dɔ́n galamɔ̨ɔ̨ɠaa da ɉalaa laa həli nuą kpɛa-kpɛaɠaa, di gɔlɔn, diɛ kɛ, diɛ ka tii Jesus ə di mąą hanwɔ̨n ɉɔɔ, kɛlaa, di kɛi ɲɔw nuą diɛ.

Kɔlɔnikɔ Maa-ŋuŋ 9:26

Kɛlaa, nu nąąn ŋɛ̨i kɛ a di nwun nąmįną, di wɛi, di kɛ lɔ laa a yələ kəlee. Levi lonnii ɓə kɛ bɛlɛ́ mɛ̨nįɠaa nwun na, da ɉɛngɔw mɛ̨nį, Yálá nwɔ pɛlɛ́i mu.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Lukə 21:1

Jesus ə́ kɛ Yálá hee pɛlɛ́ mu, mɛ̨nįɠaai kɛi tɛɛ yɛ gaa. Ə hɛn gɔw nąmįną kaa diɛ pa diɛ Yálá kɔ́ a di yəi hɛn gɔwɠaa.

Ɉaan 2:4

Kɛlaa Jesus ə nwoo pulu pənə yɛ mą: «Néé, yii mąąnɛ̨ɛ̨ ŋį́ gɛ, yɛ hvəə ya mo mą́ą́! Ŋɔ́ lɔwai hvə nii həli li.»

Ɉaan 7:14

Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.