Ɉaan 7:48 - Yálá laawoo hɛɓɛ (dc)

⁴⁸ Galanɉonŋąą a wala kɛ tii Farisiɛ̨ɠaa lɔwai, nu tɔ̨nɔ̨ kpɛli aa mɔ̨ɔ̨ laa na?

Yálá laawoo hɛɓɛ

⁴⁸ Galanɉonŋąą a wala kɛ tii Farisiɛ̨ɠaa lɔwai, nu tɔ̨nɔ̨ kpɛli aa mɔ̨ɔ̨ laa na?

Bible

⁴⁸ Nûa kpaya-kpaya-ŋai kpaa máŋ Faresii-ŋai da láa a ǹyaa?

Ɉaan 7:48 Referans Kwoze

Ɉaan 12:42

Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Korɛntə dɔlɔɔ 2:8

Ɲɛnɛ̨ɛ̨ ŋɛ̨i hu tɔɔɓɛlaa danɔ̨n gbɛli hvo kɛ gɔlɔn; hvo gaai, da gɔlɔn gɛ, di hvo li kɛ mąąwiɛlaa Ną́mu kpɔn kolɔwa ɓa.

Korɛntə dɔlɔɔ 1:20

Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Ɉaan 7:26

Lolo ka ŋɛ̨i tɔɔni nu kpulu hu ɓɛ, yɛ pələ ɓo nuą diɛ, ɛlɛɛ, di hvo hvaai bɔ hvo kɛ ku nwun nąnįnąą daa gɔlɔn diɛ Nwun mąąɓomun ni-o?

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Ɉaan 7:50

Nikodɛmə tii pa a yələ ta Jesus pɔ kpinįi, ə kɛ a Farisiɛ̨ ta, yɛ ɓɛlaa diɛ:

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Lukə 23:13

Pilatə ə ɉala laa həli nuą kpɛa-kpɛaa da nɔi kalanɉonŋąa, ə mą kɛ nɔi lonnii taɠaa təli,

Ɉaan 3:1

Hulɔnu ta ə kɛ laa, diɛ kɛ naa ɓaa Nikodɛmə. Ə kɛ a Farisiɛ̨, yɛ ɓo nwɔ̨nɔ̨ a ɲɛ̨itɔwɔ mun da Ɉuifəɠaa lɔwai.

Ɉaan 7:49

A tɛ̨ą, nu kpului ŋɛ̨i nɛ̨ŋɛ̨n naai, di hvo dɔ́n ɉɛɓɛ́ kɔ́lɔn.»