Ɉaan 7:19 - Yálá laawoo hɛɓɛ (dc)

¹⁹ Kɛlɛi Moisə ɓə dɔ́n ɉɛɓɛ́ tɛɛ ka pɔ ee? Yaan, ka tɔ̨nɔ̨ kpɛli hvə túwɔ́i yɛ pələi dɔ́n tii mąą liɛwoo kaa la. Lə mɛ̨nį ɓa ka káá bɔ kɛ báá?»

Yálá laawoo hɛɓɛ

¹⁹ Kɛlɛi Moisə ɓə dɔ́n ɉɛɓɛ tɛɛ ka pɔ ee? Yaan, ka tɔ̨nɔ̨ kpɛli hvə túwɔ́i yɛ pələi dɔ́n tii mąą liɛwoo kaa la. Lə mɛ̨nį ɓa ka káá bɔ kɛ báá?»

Bible

¹⁹ Mose fe dɔ̂ŋ tɛɛ ni kápɔ? Ǹyaŋ kátà káfe dɔ̂ŋ mɛi kâai. Le ƃe ka ŋ̀wɛ̂lii a gɛɛ ká ḿbaai?”

Ɉaan 7:19 Referans Kwoze

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 11:53

Ə həɠə ɲələ ɓa di mo diɛ diɛ: Ka gu Jesus paa.

Ɉaan 7:1

Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Maafîu 12:14

Di kulaa, Farisiɛ̨ɠaa də li, di di nwun dɔɔ, bələi mąąnɛ̨ɛ̨ di Jesus hon na di baa, diɛ bələ kwɛli.

Galatə 6:13

Nuąi ti di kpɔwɔ heei kɛ́nɛ̨ ɓa, di hva dɔ́n nwoo pɔ yíiɓo diɛ kpinįi, di kaa bɔ di ká hee kɛ́nɛ̨ ɓa, ə gɛ, di di kpɔwɔ ɲąą kɛnɛ̨ la ká mąą mɛ̨nį hu, diɛ kɛ mą: kuɔ ɓə di hee kɛ́nɛ̨ ɓa.

Dutɛrɔnome 33:4

Dɔ́n ŋɛ̨i Moisə ə dɛɛ ku pɔ, gaa a hɛn gɔw mąą mɛ̨nį nwąnąą Ɉakɔbə lonnii diɛ!

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Gɛlaɠaa 7:38

Yaa ti lɔ ɓə nwɔ̨nɔ̨ kɛ ɲąąkpɔn gɛnɛ̨ɛ̨ hu, gu nąnni da malakai ti bələɓo mą Sinai yee nwuɔ̨, di lɔwai; yaa lɔ ɓə ɓalo hva kpɛɛ woo mɛ̨n, yɛ dɛɛ gu pɔ.

Ɉaan 10:39

Di kɛ nwɔ̨nɔ̨ bɔ di ɉon, kɛlaa, ə kulɔ di yei.

Ɉaan 7:25

Ɉerusalɛmə nuą taɠaa di kɛi kɛ diɛ: «Kɛlɛi nui di kaa gwɛli baa mɛ̨nį ya ɓəi?

Ɉaan 5:45

Hvo kɛ ka kwəi kaa, gáá pai ka kalamąɓoi Ną́n ma, nui pai ka kalamąɓoi ya ɓaa a Moisə, yai ka ka kilitɔɔ mą.

Ɉaan 5:18

Nwooi tii mąą mɛ̨nį ɓa, Ɉuifəɠaa di kɛi Jesus paa pələ kwɛli. Mąąhɔlɔɓo, hvo lɛɛ lɔ a vįitɔɔ yələ mąą kala mɛ̨nį, kɛlaa, ə kɛi nwɔ̨nɔ̨ Yálá kɛ a Ną́n, ɛlɛɛ, yɛ kɛ, da Yálá di pɛliɛi.

Ɉaan 5:16

Ə həɠə ɲələ ɓa, Ɉuifəɠaa di hvilɛn Jesus pulu, mąąhɔlɔɓo, aa nu ɓalo a vįitɔɔ yələ.

Markə 3:6

Farisiɛ̨ɠaa di kulɔ Yálá hvɛli pɛlɛ́ mu a mąą hulaa da Herodə nwɔ nuą, də li di di nwun dɔɔ a bələi mąąnɛ̨ɛ̨ di tɛɛ la di Jesus hon di baa.

Markə 3:4

Yili pulu, nuą tii kɛi nąą kaa, ə mo diɛ, yɛ diɛ: «Guɔ tɔ́n kaa kɛi lə? Akɛti, mąąnɛ̨ɛ̨ nu ə mɛ̨nį lɛlɛɛ kɛ a vįitɔɔ yələ, a wala kɛti mɛ̨nį ɲɔ̨n? Akɛti, mąąnɛ̨ɛ̨ nu ə nu nwun mąąɓo, a wala kɛti nu ə nu paa a vįitɔɔ yələ?» Kɛlaa, nuą di hvo kɛ bɔ di hvo nwoo pulu pənə.

Maafîu 21:38

«Kɛlaa, yii lɔ di gaa yɛ pa, di mo di kee lɔwai diɛ kɛ mą: ‹Nui ɉihɛn gaa pai lɛɛ ɲəi a gwɛli hɛn ya ka. Ka gu baa, ɉihɛn ə lɛɛ ka gu yəi.›

Markə 11:18

Yii kɛa ɉaláá laa həli nuą nwun nąmįną da dɔ́n galamɔ̨ɔ̨ɠaa di nwoo tii mɛ̨n, di kɛi gɛ pələ kwɛli mą, əgɛ, di Jesus hon di baa. Kɛlaa, di kɛi ɲɔ̨w mą. Mąąhɔlɔɓo, nwɔ kalan gɛ pələ ə nu kəlee lii hon.