Ɉaan 6:71 - Yálá laawoo hɛɓɛ (dc)

⁷¹ Ɉudasə ŋɛ̨i kɛ a Simɔn Iskariɔtə mun lon, ya ka tii Jesus ə kɛi mąą mɛ̨nį ɓo. Mąąhɔlɔɓo, ya ɓə kɛ a nu pow kɔ́w hveelɛ tii dɔ̨nɔ̨, yii kɛi pa Jesus lɔwɔtɔɔi.

Yálá laawoo hɛɓɛ

⁷¹ Ɉudasə ŋɛ̨i kɛ a Simɔn Iskariɔtə mun lon, ya ka tii Jesus ə kɛi mąą mɛ̨nį ɓo. Mąąhɔlɔɓo, ya ɓə kɛ a nu pow kɔ́w hveelɛ tii dɔ̨nɔ̨, yii kɛi pa Jesus lɔwɔtɔɔi.

Bible

⁷¹ E kɛ̀ lônoi gɛ pîlaŋ Zudasi ma, Samaŋ Sekaria ǹóŋ. Kpɛ́ni fêi, ǹyaa ƃa ǹúu puu kao feerɛi dɔnɔi nyii pâi kulâi bôlui.

Ɉaan 6:71 Referans Kwoze

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Ɉaan 13:26

Jesus ə nwoo pulu pənə yɛ mą: «Nui gáá pai nɛɠɛ kpuɔi ŋɛ̨i tɛɛi bɔ, mąą nu ɓə.» Jesus ə mo lɔ tii, ə nɛɠɛ kpuɔ həɠə ə dɛɛ Simɔn lon Ɉudasə Iskariɔtə mun bɔ.

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Maafîu 10:2

Nu pow-kɔw-hveelɛi Jesus ə di tɔɔ di laa ka: Dɔlɔɔ ɓa Simɔn, yii naa mɛ̨i hee ɓa a Piɛrə, da nəɠə Andre. Ɉakə da nəɠə Ɉaan diɛi kɛ a Zebede lonnii.

Maafîu 10:4

Simɔn yai kɛ a Kanaan mun, da Ɉudasə Iskariɔtə mun, yaai pai kɛ Jesus tɛŋɛ̨n gwɛlɛi.

Markə 14:10

Ɉudasə Iskariotə mun yai kɛ a Jesus nwɔ kalan nɛai pow kɔ́w hveelɛ dɔ̨nɔ̨, ə li ə həli haláá laa həli nuą diɛ, ə gɛ, ə Jesus tɛŋɛ̨n gwɛlɛ.

Ɉaan 2:2

Di Jesus da nwɔ kalan nɛai diɛ kpɛli di təli.

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Ɉaan 12:4

Jesus nwɔ kalan non dɔ̨nɔ̨ yai da kɛ mą Ɉudasə Iskariɔtə mun, yaa ɓə kɛi pa Jesus lɔwɔ́tɔɔi, ə mo yɛ diɛ:

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Ɉaan 20:24

Galan nɛa pow kɔ́w hveelɛ tii tɔ̨nɔ̨ ə kɛ laa diɛ kɛ naa ɓaa: Tomasə, naa ta lɔ ɓaa kɛ a Yonwąąmun, hvo kɛ mɛlaa pɔ ɓɛlɔwai Jesus ə paa la.