Ɉaan 6:70 - Yálá laawoo hɛɓɛ (dc)

⁷⁰ Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Yálá laawoo hɛɓɛ

⁷⁰ Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Bible

⁷⁰ Zîsɛ e mò dîa, ǹyɛɛi, “Fe kásiɣe ni káa puu kao feerɛi, kátɔnɔ da ǹyaŋ kɛ́ ƃo a Dɛ̂ƃele?”

Ɉaan 6:70 Referans Kwoze

Ɉaan 13:27

Ɓɛlɔwai tii Jesus ə nɛɠɛ kpuɔ tɛɛ la Ɉudasə pɔ, nąąlɔwai kpɔlɔ ɓə ɓilihi ə lɔ la Ɉudasə hu. Jesus yɛ Ɉudasə ɓa: «Mɛ̨nįi yɛ́i gɛ, gɛ ɉa-ɉa.»

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Gɛlaɠaa 1:17

Ɉudasə tii ə kɛ a gu ta. Gwa diɛni kəlee ɓə di gólói ŋɛ̨i tɛɛ gu pɔ.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 13:21

Jesus kpɛɛ kɛa a nwooɠaa tii ɓoɔ, nii ə kələn gbɔ gwəi kɛnɛ̨, yɛ diɛ: «A tɛ̨ą kpɔ-kpɔ gáá moi kaa, ka tɔ̨nɔ̨ kaa pai nɔ́wɔ́ tɔɔi.»

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Gɛlaɠaa 13:10

Hulɔnu yɛ́ ɓə! Yɛ́i ə́ laahvɛɛ a gbąną-gbąną huwu kəlee da nwąnąlɔɔ, ə́ nąnį lon tii, tələnmolaa ɲowo kɛnɛ̨, hvó mɔ̨ɔ̨ pai kpɛlai ku Ną́mu Yálá nwɔ pələ haŋąai hukpinįn ɉi, a bələ haŋąnŋąąi ti?

Ɉaan 2:2

Di Jesus da nwɔ kalan nɛai diɛ kpɛli di təli.

Ɉaan 6:67

Nąąlɔwai Jesus ə mo nu pow kɔ́w hveelɛ tii diɛ: «Kaa kpɛli ka káá bɔ ka ka pulu pənə?»

Ɉaan 6:71

Ɉudasə ŋɛ̨i kɛ a Simɔn Iskariɔtə mun lon, ya ka tii Jesus ə kɛi mąą mɛ̨nį ɓo. Mąąhɔlɔɓo, ya ɓə kɛ a nu pow kɔ́w hveelɛ tii dɔ̨nɔ̨, yii kɛi pa Jesus lɔwɔtɔɔi.

Ɉaan 20:24

Galan nɛa pow kɔ́w hveelɛ tii tɔ̨nɔ̨ ə kɛ laa diɛ kɛ naa ɓaa: Tomasə, naa ta lɔ ɓaa kɛ a Yonwąąmun, hvo kɛ mɛlaa pɔ ɓɛlɔwai Jesus ə paa la.