Ɉaan 6:37 - Yálá laawoo hɛɓɛ (dc)

³⁷ Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Yálá laawoo hɛɓɛ

³⁷ Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Bible

³⁷ Nyii kélee Nàŋ-nuui a dɛ̀ɛ ḿbɔi a pâi pâi ḿbɔ. Ǹyaŋ nyii a pà ḿbɔi, fe pâi gbɛ̂i.

Ɉaan 6:37 Referans Kwoze

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Ɉaan 6:39

Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Timote dɔlɔɔ 1:16

Kɛlaa akɛ, di ɲɛ̨́imąąwɛli kaa, ə kɛ lɔ tii, əgɛ, ɲą́ą́ ŋɛ̨i a dɔlɔɔ, Jesus Kristə ə nwɔ liinɛ̨ɛ̨ gwəi laa lɛ bɔ́ pələ, nuąi pai laai na, diɛ ɓalo hva kpɛɛ hɔlɔɓo, diɛ, a nui da di kɔɔn mą.

Azaya 42:3

Hvo pai hveen gbaɠa woloɔ huyalii, nwɔ̨n nən gaa liɛliɛ, hvo pai gbəli luwun ɉii, ga pai kɛi tɛ̨ą ɓoi a nelee.

Ɉaan 6:65

Jesus yɛ nwɔ̨nɔ̨ yɛ diɛ: «Yili ɓə gɛ, ŋį́ kɛ kaa: nu ta hva pɛli pai bɔ́ akɛ Ną́n hvə dəli li.»

Azaya 41:9

kaai ŋį́ ka həɠə kpɔ lɔi kpon ɉeei, ka kɛ kpɔ ɓɛi lɔi a kpəla laa, gɛ́ ka təli, yɛ́ Israɛlə, yɛ́i ŋį́ kɛ yɛ́: «Ŋą́ tímun mąą yɛ́, ŋį́ ə́ həɠə ə́ ɓɛlaa lɔwai, və́ gíli kulɔ li ə́ hu.»

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 102:17

Ɲələi Yai-Laa kaa pai pənəi yɛ Siɔn tɔɔ la, nuą da gaa mąąwiɛ̨ pələ hu.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.