Ɉaan 6:35 - Yálá laawoo hɛɓɛ (dc)

³⁵ Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Yálá laawoo hɛɓɛ

³⁵ Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Bible

³⁵ Zîsɛ e mò dîa, ǹyɛɛi, “Ńyãa ƃe ŋ́gaa a vúlu-laa-kpoloi. Ǹúui nyii a pà ḿbɔi, puru fe pâi gɛ̂i, ǹyaŋ ǹúui nyii a lâa a ńyãai, kpele-wɛli fe pâi gɛ̂i.

Ɉaan 6:35 Referans Kwoze

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Ɉaan 6:41

Ə həɠə ɲələ ɓa, Ɉuifəɠaa líí ə holi bɔ, mąąhɔlɔɓo, aa kɛ diɛ: «Ɲą́ą́ ɓə gáá a Yálá-taa kɔ̨nɔ̨n.»

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

M̀ɛni-lɛɛi 7:16

Pulu hva kɛa di kɛ, kpələ wɛli hva kɛa di hon, hvóló da nwəleen di hva kɛa di kələn.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Lukə 6:25

«Kpalo ɓɛlaai kaa, kaa yii ka mąąkpaan gbɛɛ hɛn gəlee kaa ka yəi yiihu; mąąhɔlɔɓo, pulu kaa pai tinąą tooi kaa! «Kpalo ɓɛlaa kaa, kaa yii ka káá yɛ́lɛ́i yiihu, mąąhɔlɔɓo, ka káá tinąą pai mąąwɛli hee ɓoi.

Ɉaan 6:65

Jesus yɛ nwɔ̨nɔ̨ yɛ diɛ: «Yili ɓə gɛ, ŋį́ kɛ kaa: nu ta hva pɛli pai bɔ́ akɛ Ną́n hvə dəli li.»

Ɉaan 5:40

Kɛlaa, ə mą kɛ tii, ka hva gɛ, ka hvo pa bɔ́, ka hvo yɛnɛ̨ɛ̨i kpɛɛ hvo mą hɔlɔɓo.

Ɉaan 4:15

Nɛ̨ɛ̨nui tii yɛ Jesus ɓa: «Ną́n, gɔ́ a ɲá yili ta, ə gɛ, kpələ wɛli hvo pa Ɉón, və́ pənə və́ pa ɓɛ ɲá lɔwa la.»