Ɉaan 6:31 - Yálá laawoo hɛɓɛ (dc)

³¹ Ku kalapɔlɔni di mane mįi nɔi pun ɉu, yɛ bələi bɛ̨ɛ̨i la, ə kɔ̨nɔ̨n dɛɛ di pɔ di mįi yɛ həɠə pələ.»

Yálá laawoo hɛɓɛ

³¹ Ku kalapɔlɔni di mane mįi nɔi pun ɉu, yɛ bələi bɛ̨ɛ̨i la, ə kɔ̨nɔ̨n dɛɛ di pɔ di mįi yɛ həɠə pələ.»

Bible

³¹ Kúnâŋ-ni dí manaa mìi vɛ̃ɛ-kpâlaŋ su yɛ̂ɛ berei bɔ̃yɛɛ̂i la, ‘E kpólo tɛ̀ɛ dípɔ é kúla Ɣâla-taa a gɛɛ dí mii.’ ”

Ɉaan 6:31 Referans Kwoze

Nehemi 9:15

Ə́ pulu kulɔ diɛ, a yələi pələ kɔ̨nɔ̨n, ə́ kpələ wɛli kulɔ diɛ, a yai ə́ gulɔ kwɛni hu, ə́ mo diɛ, yɛ diɛ nɔi ə́ naakwɛlanmo diɛ, yɛ́ ə́ kwɛla la, di pa di hee ɉu.

Mąątɛ̨nɛ̨ 105:40

Di vɛli, ə haɉaliɠaa tɛɛ di pɔ, ə di pilɛ a yələi pələ kɔ̨nɔ̨n.

Ɉaan 6:49

Ka kalapɔlɔni di manə mįi nɔi pun ɉu, di haa.

Lɛɛ gbɔwɔ ɓa 16:35

Israɛlə lonnii di manə mįi kwɛlan bow nąąn ɲee mu, ə lɛɛ ɉu, di həli Kanaan lɔi ɲɛ̨in ma.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

Nehemi 9:20

Ə́ kili lɛlɛɛ tɛɛ di pɔ, diɛ pɛli mɛ̨nį kulɔ ɉu kɛi, hvo manə kulɔ di la, ə́ ya tɛɛ di pɔ diɛ gbələ.

Dutɛrɔnome 8:3

Ə ka kɛ a yeehowolo nuą, ə pulu too kaa, ɛlɛɛ, ə manə tɛɛ ka pɔ a ka kɔ̨nɔ̨n. Kaa-o, ka nąnni man-wo, ka hvo kɛ gɔlɔn a bɔlɔ. Ə kɛi nɛ tii kaa, yɛ kɛ kaa: nu hva nwɔ yɛnɛ̨ɛ̨ kɛ lɔ a laa mįi hɛn, kɛlaa, nu nwɔ yɛnɛ̨ɛ̨ kɛ hɛn mąą a: Yai-Laa hvaa woo.

Korɛntə dɔlɔɔ 10:3

Di kəlee di Yálá-taa kɔ̨nɔ̨n mįi,

Ɉaan 6:58

Gɔ̨nɔ̨n ka kalapɔlɔni di mįi nɔi pun ɉu, di haa; kɛlaa, gɔ̨nɔ̨n ŋɛ̨i həɠə yələi nwɛi, nu a da mįi a yɛnɛ̨ɛ̨i kpɛɛ hvo mą hɔlɔɓo.»

Zasua 5:12

Nɔi tii di lɔ ɉu, ɉu hɛn da mįi di mo, yili ɓə gɛ manə yɛ kpəla puɔɔ ɓa. Mąą yələ laa ɓoɔ, manə hvo kɛa pu; nɔi tii hu kɔ̨nɔ̨n mə Israɛlə lonnii di kɛi mįi a gwɛlan tii.

Ɉaan 6:32

Jesus ə di woo pulu pənə, yɛ diɛ: «A tɛ̨ą kpɔ-kpɔ gáá moi kaa, Moisə hvo kɔ̨nɔ̨n dɛɛ ka pɔ yɛ həɠə yələi. Kɛlaa, Ną́n Yálá ɓə a dɛɛ ka pɔ.