Ɉaan 6:26 - Yálá laawoo hɛɓɛ (dc)

²⁶ Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.

Yálá laawoo hɛɓɛ

²⁶ Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.

Bible

²⁶ Zîsɛ e díwoo su tòo, ǹyɛɛi, “Tɔ̃yâ kpîŋ, ŋá m̀ó kâa, káfe ŋ́gɔrîi ŋɛi-kɛ-maa-ŋai ka gàai mɛni ma. Kɛ́lɛ, gbóloi ka mìi ka-pelâi mɛni ƃe.

Ɉaan 6:26 Referans Kwoze

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Ɉaan 6:2

Nu kpulu kɛnɛ̨ hvilɛn ŋąąi kɛ bulu mąąhɔlɔɓo, ə kɛi kpalo mɛ̨nįɠaa kɛ yɛ ɲɔ̨n gɛ nuą ɓalo.

Mąątɛ̨nɛ̨ 78:37

Di kili hvo kɛ tɔɔ li mą a neelee, di hvo kɛi di kilitɔɔ mįnɛ̨i da diɛni di ɉəɠə mą.

Ɉaan 6:24

Ɓɛlɔwai nu kpului tii kəlee di gaa la diɛ, Jesus da nwɔ kalan nɛai di hvo laa di lɔwai, di kəlee di tɛ gələnŋąąi tii hu, diɛ li Kafarnaumə daai Jesus kwɛlii.

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Ɉaan 6:53

Jesus ə mo diɛ yɛ diɛ: «A tɛ̨ą kpɔ-kpɔ gáá moi kaa, akɛ ka wala Nu Lon ɉuwɔ mįi, ɛlɛɛ, ka hvo ɲąmą kpələ, ka hva pɛli ɓaloi.

Ɉaan 6:47

A tɛ̨ą kpɔ-kpɔ gáá moi kaa, nui a laa ná, a yɛnɛ̨ɛ̨ yii hva kpɛɛ ɉɔlɔɓo.

Ɉaan 6:30

Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Ɉaan 6:15

Kɛlaa, yii kɛa Jesus ə gbaɠala kaa yɛ, nuą diɛ di ɉee a tɔɔmun, ə kulɔ di lɔwai, ə li dɔ̨nɔ̨ kɛɛnąą yee tonna.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 6:36

Kɛlaa, ŋą́ą́ mo kaa, kaa gáá, ə mą kɛ tii, ka hvo laai ná.