Ɉaan 6:24 - Yálá laawoo hɛɓɛ (dc)

²⁴ Ɓɛlɔwai nu kpului tii kəlee di gaa la diɛ, Jesus da nwɔ kalan nɛai di hvo laa di lɔwai, di kəlee di tɛ gələnŋąąi tii hu, diɛ li Kafarnaumə daai Jesus kwɛlii.

Yálá laawoo hɛɓɛ

²⁴ Ɓɛlɔwai nu kpului tii kəlee di gaa la diɛ, Jesus da nwɔ kalan nɛai di hvo laa di lɔwai, di kəlee di tɛ gələnŋąąi tii hu, diɛ li Kafarnaumə daai Jesus kwɛlii.

Bible

²⁴ Nya ƃe tãi ǹûai dí gàa la a gɛɛ Zîsɛ fe kɛ́ ni naai, kpaa máŋ ŋɔpôlu-ƃelai, dia kpîŋ dí pìli géleŋ su dí lí Kapɔ̂nia Zîsɛ kɔ́rîi.

Ɉaan 6:24 Referans Kwoze

Ɉaan 6:17

Di tɛ kələn da hu, diɛ ɲá teen Kafarnaumə daai pələ. Kpini ə kɛi kɛa pɛlɛ, Jesus hvo ni kɛ həli li diɛ.

Markə 1:37

Ɓɛlɔwai kɛa di gaa la, di mo mą diɛ mą: «Nu kəlee kaa háá ə́ kwɛli.»

Ɉaan 20:15

Jesus yɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi? Gbɛɛ ɓə ə́ kaa gwɛlii?» Ə kɛ Mari kwəi, ɉihɛn ɲɛai tii mɛ̨i kaa mun ga tii mąąningɛ; yɛ mą: «Ną́mu akɛ yɛ́ ɓə gulɔ ɓɛ, ɓɛi ə́ naa laa nąą lɛ mą́ą́ ŋą li ŋį́ ɉəɠə.»

Ɉaan 7:11

Di kɛɛ ɉɛli ɓa, Ɉuifəɠaa di kɛi Jesus kwɛli, diɛ kɛ mą: «Ə̨́i, gaa kani mį?»

Ɉaan 6:59

Bələ ɓə Jesus ə nuą mąąkwɛli la Yálá hvɛli pɛlɛ́ mu Kafarnaumə.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Lukə 8:40

Ɓɛlɔwai, Jesus ə həɠə la bówa pulu, ə pa ə nu kpulu kɛnɛ̨ kaa, ɲá pulu, diɛ nąąkwiɛn. Mąąhɔlɔɓo, nu kəlee di kɛi mąą kpɔn.

Markə 6:53

Di kpɛɛ kɛa a ɲá teen ŋąą Gɛnesarɛtə lɔi hu, di di wɔ kələn gbulɔn laa gahin mą.

Maafîu 14:34

Jesus da nwɔ kalan nɛai di bówa teen Gɛnesarɛtə lɔi hu.

Ɉaan 6:26

Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.