Ɉaan 6:14 - Yálá laawoo hɛɓɛ (dc)

¹⁴ Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Yálá laawoo hɛɓɛ

¹⁴ Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Bible

¹⁴ Tãi ǹûai dí ŋɛi-kɛ-maai ŋi kàa nyii e gɛ̀i, dí mò, “Nyiŋi kpîŋ káa a Ɣâla ŋɔlóno-kɛ-nuui nyii gáa a sɛŋ a gɛɛ é pá ǹɔii sui.”

Ɉaan 6:14 Referans Kwoze

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Maafîu 11:3

Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Ɉaan 7:40

Nu kpului tii kɛi Jesus woo mɛ̨n, daɠaa di kɛi kɛ diɛ: «Nui ŋɛ̨i kaa kpɔ a Yálá kwəi mɛ̨nį hukulɔ mun neelee.»

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Ɉaan 4:19

Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Ɉaan 4:25

Nɛ̨ɛ̨nui tii yɛ Jesus ɓa: «Gílí kaa ɉu gɛ́ diɛ: Nwun mąąɓomun Yálá ə naakwɛlanmo, gaa pai pai; yii da kɛ mą: Kristə. Ɓɛlɔwai gaa pai pai la, gaa pai mɛ̨nį kəlee huponoi a kuɔ.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 6:2

Nu kpulu kɛnɛ̨ hvilɛn ŋąąi kɛ bulu mąąhɔlɔɓo, ə kɛi kpalo mɛ̨nįɠaa kɛ yɛ ɲɔ̨n gɛ nuą ɓalo.

Ɉaan 6:26

Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.

Ɉaan 6:30

Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Ɉaan 11:27

Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»