Ɉaan 5:42 - Yálá laawoo hɛɓɛ (dc)

⁴² Kɛlaa, ŋą ka kɔ́lɔn, Yálá nwɔ wɛlikɛmąąlaa hvo ka yəi.

Yálá laawoo hɛɓɛ

⁴² Kɛlaa, ŋą ka kɔ́lɔn, Yálá nwɔ wɛlikɛmąąlaa hvo ka yəi.

Bible

⁴² Kɛ́lɛ, ŋá gɔlɔŋ a gɛɛ Ɣâla ŋɔwɛli-kɛ-maai fe kákponôi.

Ɉaan 5:42 Referans Kwoze

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

Zɔ̂ŋ Maa-ŋuŋ 3:17

Akɛ yɛnɛ̨ɛ̨ hɛn gɔw a kɛ nu ta yəi, ɛlɛɛ, ə nąn non gaa kąnąn ɉu, ɛlɛɛ, hva ɲɛ̨imąąwɛli kaa; a kɛ tii, Yálá nwɔ wɛlikɛmąąlaa a pɛli kɛi ləi ɉu?

Zɔ̂ŋ Maa-ŋuŋ 2:15

'Ká hvo yɛnɛ̨ɛ̨ wɛlila kɛ, ə mą kɛ, ɉu hɛnŋaa. Nui a yɛnɛ̨ɛ̨ wɛlilakɛ, kɛ tii Nąn Yálá nwɔ wɛlikɛmąąlaa hvo ɉu.

Ɉaan 2:25

Nu ta hva pɛli kɛ nuą mąą mɛ̨nį hukulɔi ma, mąąhɔlɔɓo, ə nuą kwəi mɛ̨nį kɔ́lɔn.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Lomaŋ 8:7

Nuą yiiɠaai nu liiɓa wɛli kaa diɛ, di kaa a Yálá ɲowoɠaa. Di hva Yálá nwɔ tɔ́n nwoo pɔ mɛ̨nį kɛ, di hva kpɛli pɛli mą.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Ɉaan 8:47

Nui gaa a Yálá nwɔɔ, a nwəli tɔɔ Yálá woo ɓa. Gɛ mɛ̨nį ka hvo a Yálá nwɔɔɠaa, ya ɓə gɛi ka hvo ka wəli tɔɔi la nwóó ɓa.»

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Ɉaan 5:43

Ŋą́ pa Ną́n Naa hu, ɛlɛɛ, ka hvo gɛ li ka hvo ka yee hee li mú. Nu takpɛli a pa gbɔwɔ laa hu, ka ka yee hee mu.