Ɉaan 5:34 - Yálá laawoo hɛɓɛ (dc)

³⁴ Nwɛ́i, mą́ą́ kpaan və nu ta nwɔ kɛla hvaa ɓa, kɛlaa, gáá mɛ̨nįɠaai tii ɓoi kaa, əgɛ, ka nwun mąą ə ɓo.

Yálá laawoo hɛɓɛ

³⁴ Nwɛ́i, mą́ą́ kpaan və nu ta nwɔ kɛla hvaa ɓa, kɛlaa, gáá mɛ̨nįɠaai tii ɓoi kaa, əgɛ, ka nwun mąą ə ɓo.

Bible

³⁴ Ve nɔ a gɛɛ ḿaa-sere-faai é kúla núu-kpune yêei, kɛ́lɛ, ŋa nyiŋi ƃò nɔ a gɛɛ ká ƃálo.

Ɉaan 5:34 Referans Kwoze

Zɔ̂ŋ Maa-ŋuŋ 5:9

Akɛ gwa laa nuą di wɔ kɛla hvaa la, Yálá nwɔ kɛla hvaa kɛnɛ̨i dɛɛ gəlee ɓa; mąąhɔlɔɓo, Yálá nwɔ kɛla hvaa ka: Yaa kpinii ə non mąą kɛla hvaa ɓo.

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Korɛntə dɔlɔɔ 9:22

Ŋį́ too hvįikpɛɛ nuą pɔ, kwa diɛni ku tɔɔi ə kɛ tanɔ̨n, ə gɛ, ŋą́ di hɔlɔɓo a Kristə nwɔɔ. Ŋį́ gbɔ́wɔ́ kɛ a nu kəlee ŋą nu, gɛ́ pɛli daɠaa ɓaloi ɉu a Kristə nwɔɔ.

Lomaŋ 10:1

Nąn nonnii, yii gáá bɔ, gɛ́ vɛli Yálá ɓa di mąą mɛ̨nį ɓa, ya ɓaa: Di kəlee di nwun mąą ə ɓo.

Lomaŋ 3:3

Gwa pɛli kɛi lə? Akɛ nu taɠaa di hvo kulɔ li di woo ɓa da Yálá ni di lɔwai, Yálá nwɛi, a pɛli moɔ nwoo lɛɛi?

Ɉaan 8:54

Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Lomaŋ 12:21

'Hvó nɛɛ laa mɛ̨nį ɲɔ̨n ɲee hvo tɛɛ yɛ́, kɛlaa, ə́ yee ə tɛɛ mɛ̨nį ɲɔ̨n ma a mɛ̨nį lɛlɛɛ kɛɛ.

Lomaŋ 10:21

Kɛlaa, yii hvilɛn na Israɛlə lonnii diɛ: «Yálá yɛ: ‹Yələ kəlee, nuąi kɛ di kwɛli təɛ, diɛ kulɔ nwóó mu, diɛ ɓə ɲee haŋąa kɛ di pɔ pələ.›»

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Lukə 13:34

«Oo! Ɉerusalɛmə nuą, kaai ka Yálá kwəi mɛ̨nį hukulɔ nuą paa, nuąi Yálá a di tɔɔ ka pɔ, kaa di paa a kwɛni. Ŋą́ą́ ɉukɔɔn gee mɛ̨i tamąą, gɛ́ ŋą ə́ lonnii ɲąąkpɔn yɛ bələi tɛ́ɛ́ kɔ́nwɔ̨lee a nonnii ɲąąkpɔn na goon mu. Kɛlaa, ka hvo gɛ li.

Ɉaan 5:32

Kɛlaa, nu takpɛli ɓə a kɛ mą́ą́ kɛla hvaa ɓoi, yii a mo mą́ą́ mɛ̨nį hu, gaa a tɛ̨ą.